阿徐湊仔仲有板有眼！

徐濠縈去年因為市道不好，加上14歲囡囡康堤快要出國留學，因而遂將十年心血、銅鑼灣潮店忍痛「摺埋」。不過，事隔半年，不知是否因傳出囡囡拍拖的消息，阿徐出席活動時透露不用陪愛女到外國，囡囡會留在香港繼續升學，有大把時間的阿徐月前就再接再厲，將時裝與咖啡店合拼，在舊址東山再起！

時裝達人徐濠縈，近日再接再厲開fashion cafe。

日前下午，一身pink lady打扮的阿徐在新舖做生招牌，未幾見DJ細So（蘇耀宗）老婆阿Wing（陳穎楠）帶同兩名兒子女友人前往探班。阿徐見到好友的一對五歲半和兩歲半兒子穿同款衫好得意，就笑笑口上前打招呼，還請食雪糕。

上月，劉浩龍第一時間去老友新店打卡。

徐濠縈招呼好友幫手湊仔。

DJ細So和老婆Wing育有兩名兒子。

小朋友有得食，勁開心，好快就和阿徐玩埋一份，可見阿徐湊仔功力無退步！兩個小朋友在舖頭跑來跑去，人妻就坐下聊天。大半個小時後，阿Wing就帶兒子離開，阿徐看看錶似有下場，便拿手袋走人。

老闆娘請食雪糕，o氹到小朋友好開心。

阿徐陪好友Wing踎低o氹孻仔Max。

阿徐和好友大仔Jack合照。