醉駕出事講大話 郭子豪累「跳躍F4」失廣告
一子錯滿盤皆落索，用嚟形容近日醉駕仲講大話嘅郭子豪應該最貼切，去年憑劇集《跳躍生命線》大隻仔形象入屋彈起，原本前途一片光明，不過3月27日凌晨，郭子豪卻因醉駕被捕，原本犯錯跪低知錯能改，應該仲可以博到原諒，偏偏郭子豪事後受訪，仲大話掩飾否認係當事人，罪加一等自毁前途，事件更禍及「跳躍F4」（由何廣沛、郭子豪、張彥博及羅天宇組成）形象，據知原本「跳躍F4」傾洽的部份廣告，就因為郭子豪形象大跌 被廣告客hold起！認真累己累人！不過何廣沛及張彥博就齊撐好兄弟，認為只要佢人冇事其他嘢都係後話！實在手足情深！
撰文：東方新地 圖片：新傳媒圖片、instagram、facebook
延伸閱讀：
陳茵媺曬泳衣照被指上圍離奇縮水！網民：大波星人去咗邊？
歌手李明蔚患癌器官衰竭兼面癱 感激馬浚偉出錢出力圓歌唱夢
郭子豪 畀公司照肺
唔通真係四肢發達頭腦簡單， 上月27日凌晨在尖沙咀醉駕被捕的郭子豪，事發後接受傳媒訪問，竟然否認係當事人：「唔係我，我喺屋企，今晚冇揸過車！」不過唔夠半日，他又發聲承認係自己醉駕，行為可笑！事件觸怒無綫高層，緊急透過經理人召郭子豪回公司照肺。
據知情者透露：「Arnold（郭子豪）都係喺第二日先通知經理人發生咗呢件事，嗰晚佢回應傳媒話唔係自己，報道出晒街， TVB 高層睇到好嬲，覺得佢身為公眾人物，行為唔檢點仲唔自愛，講 大話完全破壞晒辛苦建立嘅健康形象，高層警告佢好好反省，仲要即刻公開認錯補鑊！」
廣告客投訴
原來事件牽連到正在上位的「跳躍F4」形象，令四子傾洽中 的部份廣告被客戶不滿抽起。據知情者透露：「無綫近年小生凋零，上年咁難得先捧到『跳躍F4』呢班小鮮肉，公司真係好睇重佢哋，除咗拍劇，仲參與唔少綜藝演出，公司好希望好似當年捧 五虎咁，將呢個組合長線發展，原本走勢唔錯，經理人仲幫四子 傾緊啲廣告，點知發生啲咁破壞形象嘅嘢，廣告客投訴不特 止，仲話件事未明朗，等Arnold上完庭再傾，廣告隨時泡湯！」
爛玩蒲精
在英國修讀大學，回港做Model入行的郭子豪，外形大隻健康，但原來係爛玩蒲精。據知情者透露：「其實喺做Model嘅時候，佢已經好鍾意落夜場玩，因為佢好多ABC朋友成日會約埋落吧飲酒，佢每次都飲得好瘋狂，不過因為佢成日健身keep fit，鍾 意嘅活動睇落好健康，大家先以為佢係乖乖仔！」 經一事長一智，希望郭子豪真能好好反省，珍惜辛苦建立嘅 大好前途！
兄弟回應力撐
郭子豪醉駕後復工，除咗認錯向公眾道歉，更強調未有顧及「跳躍F4」形象，向三位兄弟道歉！
何廣沛：「我有WhatsApp問候佢，發生咁嘅事當然會唔開心，我作為 朋友都唔開心，其實飲酒都係人之常情，唔係咩大罪過，佢 錯在飲咗酒揸車，希望佢汲取教訓，以後唔好再犯！最緊要 人冇事，已經係不幸中之大幸，廣告嘅嘢我唔太清楚，要問 番公司！（佢最初講大話喎？）慌失失唔知點應對，都係人之 常情，人誰無過？」
張彥博：「知道呢件事我只係問咗兩個問題，第一係佢有冇撞到 人，第二就係佢有冇受傷，知道佢冇事其他嘢都係後話，咁 喺《跳躍生命線》之後的確係多咗工作，但廣告客啲嘢就唔太 清楚，都要問番公司，至於佢係咪鍾意飲酒，有時慶功宴飲 吓都會，其他時間我就唔太清楚！」
回顧歷年9位涉嫌酒駕被捕藝人
回顧過往，亦有多位藝人曾涉嫌於酒後危險駕駛，而以涉嫌「酒後駕駛」被捕及判罰！
｜李治廷
李治廷（Aarif）因參演電影《歲月神偷》而為人熟識，2011年，李治廷於新蒲崗駕駛私家車時表現唔穩定，被警員截獲，吹波仔讀數為32度，當場被捕。
View this post on Instagram中秋快樂！塞完車，終於有得食！#merrymooncakes #happymidautumnfestival
A post shared by Aarif Rahman 李治廷 (@aarif_964) on Oct 4, 2017 at 7:36am PDT
View this post on InstagramA beautiful day in the 852 #thesunmakesmehappy #etypesmakemehappy #v12enginesmakemehappy #fairtosayimprettyhappytoday..
A post shared by Aarif Rahman 李治廷 (@aarif_964) on Jul 9, 2017 at 1:47am PDT
被斷正嘅Aarif最後被判罰款6,000元及停牌6個月，並須參加駕駛改進課程。
View this post on Instagram今天電影《功夫瑜伽》發佈會。適逢世界錦標耐力賽…然而我決定轉行了…😁 #kungfuyoga #jackiechanisstillalegendman…
A post shared by Aarif Rahman 李治廷 (@aarif_964) on Nov 6, 2016 at 5:49am PST
View this post on Instagram#justcheckingin #nothingtosay #howiseveryone?
A post shared by Aarif Rahman 李治廷 (@aarif_964) on Mar 18, 2016 at 8:26am PDT
｜周家蔚
同年，香港小姐亞軍及最上鏡小姐周家蔚於旺角太子道東涉嫌酒後駕駛，其後發現酒精超標約一微克，之後於觀塘裁判法院認罪，並判罰4,000元及停牌6個月，及需要上駕駛改進課程。
View this post on Instagram同细老Afternoon Drink
A post shared by Janet Chow 周家蔚 (@janetchowkawai) on Sep 14, 2018 at 2:11pm PDT
View this post on Instagram終於可以同視后慶祝佢叻叻豬！話時話食埋呢餐我真係要認真減肥啦😄
A post shared by Janet Chow 周家蔚 (@janetchowkawai) on Mar 13, 2018 at 9:54am PDT
｜羅鈞滿
前TVB藝員羅鈞滿於2016年於九龍太子道醉駕，未能通過酒精呼氣測試外，更超標逾三倍而被捕。
其後，羅鈞滿於觀塘裁判法院觀塘法院認罪，被判社會服務令及停牌兩年，而羅鈞滿於庭外亦表示自己對事件感到後悔。
｜陳宇琛
石修囝囝陳宇琛於上年駕車時於旺角太子道東被警方截查，並揭發其酒精呼氣測試錄得約38度，超出每100毫升中最多22微克嘅限制。
其後他於觀塘裁判法院承認酒後駕駛，被判罰款5000元，以及停牌一年。
View this post on InstagramWhat a blast at 'El Carnaval' event last night. #singapore #chevyimpala #dior #paulsmith #besteventoftheyear @arockingfilm
A post shared by SAM CHAN 陳宇琛 (@sam_chan_yu_sum) on Nov 16, 2016 at 5:30pm PST
View this post on InstagramHaving a pint of my cousin's recommendation. #SheepHeidInn #OldestPub in #Scotland #InnisandGunn
A post shared by SAM CHAN 陳宇琛 (@sam_chan_yu_sum) on Jul 26, 2016 at 6:09am PDT
｜梁漢文
梁漢文於2018年1月23日凌晨涉酒後駕駛，在花園道與羅便臣道撞欄，當時其呼氣測試錄得酒精濃度超標近四倍，因此被控一項不小心駕駛及一項呼氣酒精濃度超標罪，梁漢文亦主動承認兩項控罪。
最後梁漢文被法官判罰160小時社會服務令及停牌2年，並罰款1,500元，及須在停牌令完結前3個月自費參加駕駛改進課程，並須即場交出駕駛執照。
｜李璨琛
上年2月20日駕車沿太子道東駕駛期間，於九龍城遭交通警員截查，接受酒精呼氣測試證實超標兩倍，涉嫌酒後駕駛被捕。之後，李璨琛於觀塘裁判法院承認控罪，法庭要求李璨琛聽取社會服務令報告，保釋期間不能駕駛，並需交出駕駛執照，及繳付擔保費五千元。
當時問到會否戒酒，他直言：「已經停咗冇飲，阿女出世後更加理解，責任大咗好多，經過深切反省自己，為咗自己、為咗屋企人、為咗社會，無論點都唔會再飲酒揸車，已經儘量避免飲酒，但係做呢行有時應酬一兩杯，汲取今次教訓，真係唔會再飲酒揸車。」，其後李璨琛被判罰120小時社會服務令及停牌1年。
｜盧頌之
演員盧頌之（DaDa）於2015年駕車時報稱閃避切線車輛失控撞欄杆，之後被揭發涉嫌酒後駕駛。其後，DaDa被判罰停牌1年、120小時社會服務令及罰款3,000元，及接受駕駛改善課程。
｜蔡一傑
2011年，組合「草蜢」成員之一嘅蔡一傑駕駛跑車沿薄扶林沙宣道上斜時，突然鏟上行人路，撞毀鐵欄、郵筒及消防街井，跑車更衝前二百米，越過行車線猛撼防撞欄，再彈回原本行車線始停下。當時，蔡一傑於現場吹波仔錄得82度，兩小時後返警署吹大機，亦錄得66度，故被控以酒駕。
View this post on Instagram祝自己生日快樂、身體健康！🎂🎂🎂🎂🎂#Remus #Happy birthday #we #love #eat #good #food #dj
A post shared by djremus蔡一傑/Hong Kong Singer (@djremus_choy) on Feb 5, 2018 at 3:10am PST
View this post on Instagram冲天小子 2018 #we #love #leaves #Music #eat #good #food #djremus_eatgoodfood
A post shared by djremus蔡一傑/Hong Kong Singer (@djremus_choy) on Jan 5, 2018 at 12:53am PST
最後，蔡一傑承認酒後駕駛，被法官判接受社會服務令160小時，罰款1.2萬元及停牌2年，停牌期完結前須自費參與駕駛改進課程。
延伸閱讀：
傅嘉莉拍新劇被高Ling藐爆 抽錯水怒犯眾憎！