陸永表示最怕囡囡以為爸爸是壞人。

陸永與C君精靈鬼馬，早前孖住做《Do姐去shopping》，哄到鄭裕玲非常歡喜。不過，陸永在TVB新劇《婚姻合夥人》中，未走歪路變衰前是個戇居宅男，經常被林秀怡欺負。陸永坦言勒令不會給兩個寶貝女看到爸爸樣衰一面，免得留下陰影：「我覺得宅男個造型相當核突，核突過我喺屋企嘅打扮，最怕囡囡見到爸爸喺劇入面做衰嘢，以為爸爸係壞人。」 

戲中陸永傻頭傻腦，他形容好樣衰，唔敢畀兩女睇。

陸永好錫兩個寶貝女，唔想壞人角色畀女兒睇到有誤解。

劇中陸永同林秀怡是歡喜冤家，最後由仇人變情人，有一場講林秀怡浸浴時企圖自殺，陸永跳下到缸里加以阻止，鏡頭前穿著內衣的林秀怡濕身透bra，32C上圍相當誘惑，但陸永竟然沒有留意，他說：「都唔係賣肉，呢場戲最深印象係拍得幾辛苦，我哋拍完換返衫時，原來大家發覺做得未夠好，決定提出再拍過。同林秀怡合作都好得意，佢係勤力演員，對自己有要求，咁就會有火花。有場夜戲要拍我哋一齊唱K，現場唔使收音，我哋就玩嘢亂咁唱，猛唱：『幾時先可以收得工？』氣氛好好，至少唔會有悶場。」

講述陸永和林秀怡打算在浴缸吞安眠藥企圖自殺。結果二人為爭安眠藥在浴缸中激戰，自殺劇情變咗搞笑場面。

陸永話無留意到林秀怡濕身透bra。

講到由宅男變不擇手段、走精面的壞人，陸永就話沒有難度：「我除咗個樣衰外，其實幾百搭，聰明、蠢、奸、宅男…都做得到，平日好少出街，會留屋企打機，本身偏宅，哈！我只係對住嘟姐口花花，因為同嘟姐好熟，而且嘟姐都係宅女，成日留喺屋企煲劇，我同佢搭飛機坐隔離，成程機唔使瞓，我哋由國家講到宇宙，所有嘢都討論，聽佢講都學到嘢。」

陸永出手頂住失去平衡的林秀怡，點知被女方誤為摸pat抽水。

問到有沒有叫嘟姐捧場？陸永表示：「我唔敢咁要求，怕冇朋友做，佢只會答：『得鬼閒睇你，我自己嗰啲都未睇！』不過，佢會轉達佢朋友意見畀我聽，因為佢啲朋友都會特別留意農夫。」

陸永扮鬼扮馬，現實竟係足不出戶宅男。