美股近日大跌，其中一個原因是受蘋果公司拖累，蘋果在週三日收市後發盈警，把今年度首季營收的預期由890億美元至930億美元下調至840億美元，遠低過市場預期的913億美元。蘋果CEO庫克話指中美貿易糾紛持續，令到中國經濟放慢，影響到iPhones銷售大減。

蘋果股價昨日勁跌10%至142.19美元，創出52週低位。蘋果在去年10初創出歷史高位233.47美元，一隻一度係全球市值最大的公司，在短短的3個月，大跌了39%？

圖:騰訊一年圖。

有無覺得蘋果呢種巨股的驚人跌幅似曾相識? 香港的市值3萬億股王騰訊(0700)，去年3月見雙頂上高位476.6元，然後直插到10月的低位251.4元，從高位大跌了47.2%，一隻巨股竟然可以跌近一半。現價反彈上300元左右浮沉。勝訊跌了9個月，跌幅47%，蘋果只是跌了3個月，股價跌了39%，用騰訊的下跌型態去量度，蘋果無論從時間上或跌幅上，再跌絕不為奇。科技股升得多要跌，美國的減稅效應，把蘋果的下跌時間推遲了半年而矣。香港股市衰先，美國股市衰後，本質並無分別。

未來科技股會否再跌，主要還看中美貿易談判能否達成協議，美國的利息走向，以和中國和美國的經濟狀況，若大多數因素皆為負，還可以深跌。若部份因素轉正，再跌一段或可以反彈。

騰訊股價近日企番穩少少，看似不想無底深跌，有朋友在300元沽了騰訊，想在270元買番，暫時仍未等到，即係話騰訊暫時唔想再試底甚至穿底。這是因為港股跌早咗，到美股跌時雖然跟跌，但唔想跟得咁足。

但大市仍然好爛，氣氛較差，所以都是以穩陣為上，要識自保，炒作股份要止蝕的就企蝕，有閒錢的穩陣派買越秀房託(0405)這種磚頭收租股，萬一遇上大跌市都無咁傷。買其他進取型股價，就要預隨時止蝕。