李璨琛監製的賀歲喜劇《大盜演》正在泰國曼谷開機拍攝，電影由李璨琛、姜文杰、秦沛、詹昊宸(詹瑞文)、曾美慧孜、樂瞳、何華超、胡慧沖等演出，在拍攝現場已充滿賀歲片元素笑料百出，好像現場工作人員邀請一眾主演拍大合照，於戲中飾演副導演的姜文杰因造型太神似的關係，被誤會成真劇組人員亂入演員合照而搞出笑料；而泰國通胡慧沖在現場向劇組人員介紹當地美食、日常用語等也帶出不少笑話。

作為賀歲片《大盜演》監製的李璨琛事事親力親為，除了身兼男主角外，更連同姜文杰一同化身茶水，為劇組人員沖調泰式奶茶，樂瞳也禁不住到茶水檔落單，也大讚兩人「好手勢」。第三次為電影監製的璨琛說：「《大盜演》係喜劇，故事笑中有淚 ，主要在泰國拍攝。今次有個幾特別既位，就係有幾位演員都係陳果班底，胡慧沖、何華超、曾美慧孜連埋我叫做四師兄弟妹一齊合作，可以有些新火花俾觀眾，也問了陳果借了《細路祥》同《榴槤飄飄》的海報，睇下有冇細心觀眾解讀到！」而飾演分居太太的樂瞳表示：「我好少拍電影，今次有呢個機會好多謝監製！好多人同我講璨琛特別點名叫我演出，第一次演人妻好開心！」璨琛還笑言樂瞳如果唔俾心機演出，下集就同佢離婚，拍攝唔預佢！璨琛被問到在泰國拍攝這段時有冇掛住囡囡Lucy，他說：「我梗係掛住佢，不過佢就唔太掛住我，繼續平時一樣既生活。」

另一亮點就是在戲中演一對「亡命鴛鴦」的詹昊宸和曾美慧孜，去年因電影《三夫》嶄露頭角的小美，今次參演《大盜演》更接受了璨琛付託的挑戰，就是整套電影以廣東話演出，小美說：「覺得好刺激，每個moment 好過癮！詹sir又會給我好多意見。」跟小美有大量對手戲的詹sir回應：「戲中角色成日被欺負，所以我地互相扶持，日日糾正佢既廣東話，等佢唔好被人蝦！不過最深刻既係，在曼谷的大熱天時著激厚物料的套裝，但我地唔會流汗，皆因劇組準備了90幾件底衫，每個shot一完就要換。」