B仔好可愛！

楊思琦於社交網曬萌爆B仔初生寫真。

現年41歲的楊思琦去年驚爆佗B兼祕嫁圈外老公，並於上月12日宣佈已大誕下囝囝「豬豬」。今日，思琦於社交網貼出囝囝的初生寫真，相中B仔全程瞓住覺影，思琦亦為囝囝換上多個造型，其中更化身「熊仔」，非常可愛！而同母異父的家姐楊卓穎（Krystal）也有出鏡，但至今身份成謎的BB生父，就繼續「冇影」，思琦都沒有公開一家四口全家福！

網上圖片

網上圖片

思琦留言：「今次mummy帶我去影『寫真』！嘩！係『初生寫真』啊！第一次影靚仔相，勁開心！哈哈，原來有幾個造型！你哋鍾意邊款多啲？又有咁多靚姐姐同我着靚衫、扮型仔，幫我開暖氣，打靚燈！個個都錫曬我，對我好好喔！最驚喜係，原來佢哋仲安排咗一張超舒服的牀牀畀我瞓！等我全程可以瞓住覺嚟影相，秉承我豬豬一向『貪睡』的本色，真係好嘆呀……加埋豬豬family的成員一齊陪住我影相實在太開心呢！等我可以留住美好一刻！返去要飲多幾樽奶慶祝先得yeah。」

網上圖片

事後，思琦表示，雖然新冠肺炎肆虐，都擔心囝囝出街受感染，但因BB每日大都有好多不同變化，好希望影低留作紀念，加上拍攝地點已全面消毒，工作人員即攝影師均戴上口罩，故也放心為BB影靚相。

網上圖片

網上圖片