踏入2019年第一日，樂壇即有「奇蹟」！

古天樂驚喜現身兼開金口

《叱咤樂壇流行榜頒獎典禮》一整晚大家最期待是揭曉我最喜愛的男歌手獎，果然由古天樂拿下，古仔終於出場，掀起全晚高潮。

古仔在祖兒和謝安琪等人相伴下開金口。

古仔在台下先跟容祖兒、麥浚龍、謝安琪等擁抱後，就上台扮激動笑謂：「我真係好鍾意唱歌，不過我唔識唱呢！」

古仔續說：「這個世界真的有奇蹟出現，可以上台得這個獎，一定要多謝投票我的人。最喜愛這回事真的不是一朝一夕，我好知道的，大家最喜愛我的不是歌曲上的作品，但我想講是，去年做了演藝人會長，我第一個職責、亦是我一直擺心裏面，就係好想幫助歌手，我用自己僅餘時間，同好多歌手食過飯，了解今日樂壇的變化，因為我好想知道今日面對甚麼困難？當我了解完後，只知道他們的那團火從來無熄過，我自己好開心，看我，我都好有恆心。但真係記住，心裏面的夢想和心中的那團火，每一秒也不要忘記，不管成功與否，我阿爸成日教我一樣事，做人不要驚蝕底，我唔係話蝕底幫Juno你唱歌係蝕底，總之敢去賞試敢去做，成功已是一半，不要放棄自己，我們香港樂壇廣東歌靠每一個人支持，OK？」

隨後古仔笑謂想跟林海峰（Jan）玩棟篤笑搞氣氛，被Jan入位叫他唱歌，他於是叫容祖兒、張敬軒、麥浚龍和謝安琪上台幫拖，在祖兒提兒領唱《男朋友》，古仔終開金口唱了幾句。

至於我最喜愛的女歌手由謝安琪勇奪；我最喜愛的組合由Supper Moment奪得。壓軸大獎我最喜愛的歌曲大獎，由張敬軒《百年樹木》勇奪。