好他條！

2016年，熊黛林(Lynn)嫁畀郭可盈細佬，家族有過億身家的郭可頌，去年為老公誕下一對孖女Kaylor與Lyvia，一家四口快樂過生活，不知不覺，二人已經結婚三年，本月27日是他們的結婚週年，Lynn在ig上載了一張與老公的合照，相中Lynn露出甜笑，並挨實老公膊頭，相當恩愛。好恨結婚又好恨有仔女嘅Lynn一講到屋企永遠笑咪咪，仲經常放家庭相到社交網，公告世人佢好幸福。日前下晝，《頭條日報》就見到他着到全身黑，好大膽嘅郭可頌去大坑飲啡，留意返佢係一支公，無伴郭生坐街邊歎雪茄，感覺好爽皮。

食住雪茄嘅郭可頌好享受一支公嘅快樂。

坐喺路邊嘅郭可頌四圍望好悠然自得。

老婆有時要開工，咁郭生一支公湊女湊到好攰，出街輕鬆嚇都好正常。當日下晝就見到佢去咗大坑飲啡，咖啡店舖頭好細，最多坐四個人，所以熟客都會拎啡去舖頭旁飲，當日郭生就拎住快樂孖寶，即一杯啡一支雪茄坐喺路邊慢慢歎，一邊撳電話一邊四圍望，一個人不知幾快活。

兩公婆有一時間就會拍拖行街，Lynn好忙嘅話，郭可頌就自己搵地方輕鬆嚇。

剛度過39歲生日嘅Lynn，日前撇低兩個女同老公去瑞士旅行慶祝生日。問到老公有無畀驚喜佢，Lynn就話生日前一日返酒店房時，見到有花有香檳。她稱︰「老公以為我識穿咗，其實我當時實在太攰，完全唔知發生乜事！」簡單嚟講，即係有驚喜。

兩人不經不覺結婚三年，Lynn日前在ig上載了一張與老公的合照，相中Lynn露出甜笑，並挨實老公膊頭，相當恩愛。

月前，Lynn得老公批准可以北上拍劇賺下外快，點知回港後，孖女竟然唔係好認得阿媽，搞到佢喺社交網狂呻，不過竟然畀內地網民寸爆佢「扮外國人」，識笑其實好好笑。

Lynn去年為老公誕下一對孖女Kaylor與Lyvia。