下年有望爭視帝！

現年54歲的曹永廉，自2016年勇奪《萬千星輝頒獎典禮》的「最佳男配角」後，星運亨通，備受無綫重用，劇接劇之餘，又主持旅遊節目，機會不絕。不過，對入行24年的他來說，任勞任怨，最大的驚喜，肯定是終於在新劇《她。她。她的少女時代》中，升呢做「男一」！

資料圖片

日前，阿廉和田蕊妮在荃灣的商場為《她》劇拍攝外景，剛升上一線的他，工作態度更加認真，即使拍畢自己的場口，仍留低觀摩其他演員的戲份。此外，他又大打親民牌，任由街坊「集郵」，認真風騷！

日前，曹永廉在荃灣拍外景時，就獲街坊上前要求合照，大人細路都有份。（《東週刊》圖片）

有女街坊要求曹永廉抱起小朋友影相，但小朋友怕陌生，突然扭計掙扎，令他十分尷尬。（《東週刊》圖片）

據《東週刊》報道，入行24年的曹永廉，其實唱歌出身，可惜出了三張唱片後，公司蝕錢，連同他的歌唱事業也終止。至1999年，他簽約無綫，由低捱起，幸好，在2016年憑劇集《公公出宮》中，飾演的乸型太監「細雞」突圍而出，先後奪得新加坡《星和無綫電視大獎2016》的「我最愛TVB男配角」及《萬千星輝頒獎典禮》的「最佳男配角」獎。

曹永廉憑《公公出宮》先後奪得《星和無綫電視大獎2016》的「我最愛TVB男配角」及《萬千星輝頒獎典禮》的「最佳男配角」獎。

從此，阿廉的演技獲得肯定，戲路大開，機會不絕，例如︰離巢21年的張衛健回歸拍的《大帥哥》和未出街的重頭劇《包青天再起風雲》，他都有份。此外，他又踩埋落綜藝節目，孖住好兄弟蕭正楠主持烹飪及旅遊節目。

《大帥哥》劇照

曹永廉孖住好兄弟蕭正楠主持烹飪及旅遊節目。

早前，縱使有玄學家批曹永廉不適宜做一線演員，連他也坦言︰「師傅話我條命唔可以做一線，如果做到會對我身體唔好，我冇所謂亦唔強求，公司畀我嘅角色都好滿足。」不過，皇天不負有心人，他多年的努力並沒有白費，近月開拍的新劇《她。她。她的少女時代》，54歲的他終於獲得賞識，晉升為第一男主角。

人緣甚佳的曹永廉，在娛圈朋友多多，他還不時跟周潤發、謝賢、方中信、張達明、廖啟智等行山做運動。（《東週刊》圖片）

劇中，阿廉笑田蕊妮（阿田）飾演一對夫妻，故事圍繞中年危機。首度做「男一」的他就謙稱︰「唔係『男一』，今次係女仔戲，會同李思捷圍繞住阿田，演一個自己好鍾意嘅小男人角色，盡量做，希望唔好連累阿田。」

曹永廉、田蕊妮（資料圖片）

更多娛樂消息，請看東周網：https://eastweek.my-magazine.me/main/entertainment