賺到錢，老公又有，難怪難怪～

35歲的李彩華（Rain）於今年二月閃嫁內地鋼鐵商人Eric Huang，正式成為黃太。老公有樣又有身家，家族擁有逾11億港元的四合院。而返內地發展多年的Rain早已有「娛圈小富婆」稱號，2017年已擁有12個物業，現在做了闊太使錢更「疏爽」。

資料圖片

Rain婚後拍了一套內地劇，對於成個月無見過老公，Rain話Ok，因為世上有視像，但Rain透露有生B計劃，視像就未先進到助她懷孕，所以她表示將於明年減產，全力造人：「暫時都冇時間造，不過就有計劃下一年，暫時享受嚇，因為之前大家都各有各忙，想享受二人世界。」

未嫁前，Rain都會上載性感泳衣照到社交平臺。

Rain好鍾意名牌，由頭到腳全部有牌子，還要是頂級牌子，所以一得閒，Rain就去行名店。日前晚上，身穿吊帶褲的Rain和女友人又去ifc「巡」名店，入完一間又一間，全部都有認真細看，最後終於在Kenzo找到合心意的鮮黃色厚底涼鞋，Rain一見即叫店員拿合齊的Size給她試，一試即愛然後付款。

着住吊帶褲好O靚妹，但隱約滲出貴氣嘅Rain好鍾意行名店。

Rain同朋友傾住偈，笑住Shopping。

Rain去到名店乜都睇，衫褲鞋樣樣啱。

Rain對厚底涼鞋一見鍾情，見到即試。