心美表示：「人生係佢自己嘅，佢要自己決定同負責。」

黃心美會為開電視繼續主持《男士堂》，她透露早前與杜汶澤飯聚，有機會跟其網臺合作，但笑指身材不及「澤女郎」，「阿澤當年幫我尋回表哥，係我大恩人，所以阿爸鬧我點解係阿澤畀錢請食飯，如果同佢合作尋親節目都唔錯吖，哈哈！」

黃心美出席開電視節目巡禮。

黃心美表示有機會與杜汶澤合作。

談到她在社交網分享妹妹黃心穎劇集的截圖，心美解釋因不斷被傳媒及網友追問有否收看才share：「老實講，我冇追呢套劇，只係想借截圖請大家唔好再叫我評價妹妹嘅演技，我冇資格品評，截圖嘅對白亦冇特別用意，收到邊張就貼邊張啫。」

心美又指心穎知道劇集播出，但不知她有否收看：「跳出家姐身份，作為藝人睇到自己用心拍嘅作品出街，一定開心嘅。（網友話罷睇？）我冇理會網友講咩，一定有好或唔好嘅聲音，做呢行食得鹹魚抵得渴，自行過濾唔同聲音，唔使每句都聽入耳。」

黃心美透露妹妹心穎知道自己劇集播出。

問到心穎的人生計劃，心美坦言不知情：「我同佢講過，只要佢開心健康就可以，唔在乎佢嘅決定，亦唔會畀意見佢，人生係佢自己嘅，佢要自己決定同負責。」她直言聽到心穎改名Rachel做地產經紀的新聞都呆一呆，覺得得啖笑，「做地產唔使考牌㗎？咁我聽日都要做保險經紀，改名做Veronica喇，哈哈！」

黃心美（右1）一家感情要好，她只希望心穎（左1）開心健康。