咁多人錫過你，好難搵到係邊個喎～

關智斌（Kenny）今日（30日）38歲生日，容祖兒、蔡卓妍（阿Sa）、鍾欣潼（阿嬌）、鄭希怡、謝霆鋒、張致恆（Steven）、古巨基夫婦等為他大搞生日派對，就連張敬軒出席完新城頒獎禮，漏夜都趕來慶祝壽星仔。除了Dress Code閃爆外，壽星仔被阿Sa、祖兒錫錫外，他還肉緊攬住Steven咀，自認個樣幾醉，阿Sa亦爆有人醉了。

網上圖片

有圖為證，單是阿Sa已咀了壽星仔兩次，祖兒亦肉緊錫錫；Kenny咀Steven時已現醉樣。網上圖片

網上圖片

網上圖片

酒醒過後，Kenny今午在instagram上載多張派對照，先留言：「今日係小弟同埋我個細妹 @dorothy_pa 嘅生日，同月同日不過隔左10年！@choisaaaa（阿Sa )仲特登買咗個高達頭蛋糕俾（畀）我，係我咁多年收過最特別嘅蛋糕 #又靚又細心 #正菜妍誠意推介 #唔係流個喎 仲有一班識咗10幾年嘅朋友 #真係好老友呀 #你把我灌醉 #我會記住 Btw，個脣膏印究竟係邊個」。

網上圖片

網上圖片

網上圖片

網上圖片

然後Kenny再上載照片及留言：「又大一歲啦！終於18歲啦！前嗰幾年都係劇組渡（度）過，加上性格低調 #應該係 所以都好少搞生日會，不過今年一班好sweet嘅朋友話要搞大佢喎，佢哋仲好開心咁諗左（咗）主題 Dress code #blingbling 話要比（畀）一個Surprise party我 #其實就唔係好surprise #你哋邊守到祕密㗎 #我仲有史提芬咁大支針喺度 不過有啲咩朋友嚟我又真係唔知道，真係好窩心同感動！#好多謝你哋呀 所以我特登將其中一個生日願望許願送咗俾（畀）你地（哋） #不過我唔可以講 #唔係會唔靈 #人生有個真正朋友的確好極 #我仲要唔止一個 #fulloflove #係 #我個樣係幾醉」。

網上圖片

網上圖片

網上圖片

網上圖片