恭喜曬！！

苟芸慧（苟姑娘）與陸漢洋（William）將於本週五在港擺酒，原來上月18日William已在加拿大舉辦神祕婚禮，給苟姑娘驚喜，又邀請了太太在多倫多的家人和舊同學參加，場面溫馨；有指二人已註冊結婚，苟姑娘正式成為陸太。

因有長輩未能來港出席婚禮，故苟姑娘婚前回多倫多探望家人，怎料William順勢偷偷安排驚喜，知道苟姑娘想在古堡行禮的他，安排在多倫多唯一一個古堡內行禮。William找了苟姑娘爸爸、弟弟、契家姐和舊同學幫忙，製造驚喜旅程。

婚禮前半部分，苟姑娘好感動仍忍住不哭，當宣讀誓言，她終於流著淚說：「呢個係好溫馨嘅婚禮，其實我覺得佢之前已經古靈精怪，不過佢一向都係咁，所以冇理。婚禮舉行嘅朝早，原來佢將婚紗帶到嚟多倫多，我哋去咗影相，我仲以為只係去影結婚相，心諗呢個應該係佢畀我嘅驚喜，之後我哋去到婚禮現場，先知道原來真係一個婚禮。當見到啲接近十年冇見過嘅長輩、朋友專誠嚟出席，真係好開心，睇得出William真係花咗好多心機去籌備呢個婚禮。」

談到婚禮過程，苟姑娘最感動是老公在婚禮上獻唱《Nothing s gonna change my love for you》，讓她與爸爸跳舞，一邊跳一邊見到爸爸熱淚盈眶，覺得爸爸真的放心把女兒交到William手上。除了驚喜婚禮外，William亦做了很多不可能的任務。苟姑娘謂：「William唔識跳社交舞，之前特別為咗我一齊去學，仲刻意著皮鞋去練習。雖然佢跳起舞嚟好似機械人，但佢為我放低咗平時愛型嘅性格，好難唔感到佢嘅誠意。」

William明白多倫多是太太成長的地方，知道苟姑娘希望與當地的親戚朋友分享喜悅，他用盡方法尋找苟姑娘的中、小學同學，想令婚禮盡善盡美。婚禮期間，剛遇上颱風「山竹」襲港，William安排了化妝師飛往加拿大，但遇上航班延誤，要先飛澳洲再飛多倫多，另一位兄弟亦趕及風後第一班機。他直言：「好感激上天嘅安排，我哋希望見到嘅朋友都能夠出席。」果然「打風都打唔甩」！