大阪食玩買食玩買Day 3 - 大阪城/天滿宮/天神橋筋商店街/IKR51海膽飯

1. 大阪城(到此一遊)
2. 天滿宮
3. 天神橋筋商店街（一丁目至七丁目）/ 滿步狀
4. 心齋橋/道頓崛晚餐: IKR51海膽飯

係日本日日都好忙...幾乎係日日踩足12小時.....
但幾忙都好...去到每一個地方我都覺得要去一去佢呢啲古代名聖到行下...那怕只是到此一遊...
本來想買果個大阪兩日周遊券~~3000yen就可以兩日內係大阪圈內任搭，同埋包左好多地方既入場費...(大阪城係其中一個可以免費入既地方)
>>詳情: http://www.osaka-info.jp/osp/cht/index.html
不過經過我多番思量.......經過我既用心計算.......我地每個行程，每個地點來回所需既車費預算之後...發覺唔買...係抵過買...不過呢樣好視乎個人行程，如果你能夠兩日chur曬周遊卡入面啲景點～噤當然買喇!

我地間酒店非常近大阪城，只係一站之隔，所以可以行到去...我地當日朝早係酒點附近食左個brunch~~
其實我都唔清楚呢啲屬唔屬於關西壽司...關西壽司係果種會壓到四四方方...而呢隻好似又唔係真係噤四方~~
呢個定食唔算好多，但都飽，我地朝早11點入去，店內一個客人都無...而且啲侍應係唔識英文，佢地好好的比左個英文餐牌我地睇~~
如朋友所講，日本真係求其入個餐廳都好好食....

1. 大阪城(到此一遊)

行過去既途中~~

其實好似比我想像中細座~~

途中仲見到有日本人係到影和服結婚相～佢果套真係好靚呀~~我地之後係京都都book左一間和服黎試著，不過應該無佢呢啲噤靚喇T__T!!!

其實果到周圍都係人，而且附近都好多商舖，同好多小食買

最後買左串好似年糕噤既野～～不過個汁有啲怪...

臨走前自拍一個先...(青蘋果小姐唔出鏡)

經過一間便利店，見到有蛋黃哥雪糕，買左個黎試...其實無咩特別XDDD買埋咖啡～好鐘意去到其他地方係佢地既便利店買呢啲紙包飲品~~

2. 天滿宮

之後我地再去挑戰全日本最長既商店街~天神橋筋商店街一丁目至七丁目
行曬佢會比反張滿步狀你~~

先去到南森町站既天滿宮到出發~~去到天滿宮首先要拎呢張"行街紙"~......行曬之後去特定商舖到蓋個印就可以拎滿步狀!!\\

紅色線就係我地要完成既路喇~~

順道一遊天滿宮~~

佢地啲寺廟好多呢啲可以裝水既東東，不過我係唔會飲的～~XD 但好似好污糟......不過飲完肚屙都唔錯，屙完又再食XDDD

3. 天神橋商店街（一丁目至七丁目）/ 滿步狀

踏入一丁目喇，成條街都無乜人行，所以好舒服~~沿途都好多藥妝，食店同買衫買鞋既野，總之係乜都有，已且呢到無乜遊客，啲野都相對地平啲