現場嘉賓都對風水好有興趣，更即場預約睇風水！

著名堪輿學家李丞責博士和太太劉倩婷（Sandy）獲品牌邀請出席康城影展。李博士拿着金羅盤與Sandy一齊行紅地氈，令現場賓客大感好奇，更即時向李博士預約看風水。而Sandy就表示可以近距離聽到美國天后Mariah Carey唱歌，又有機會與拍過《火拼時速》的Chris Tucker、奧斯卡影后Julianne Moore等荷里活巨星「集郵」，更與章子怡閒談，機會難得，非常興奮。

劉倩婷在品牌晚宴時，聽到Mariah Carey唱歌好興奮。

賓客見到李博士拿着金羅盤的反應相當好奇，Sandy表示：「佢哋問係咩嚟？又即場請博士贈佢哋兩句，（咁有冇約睇風水？）有吖，舊年我哋去咗法國、倫敦同瑞士睇，今次有人約我哋去中東同杜拜，可以繼續弘揚風水學都開心呀！」其後他們出席多個盛大晚宴，見到好多名人紅星如Chris Tucker和Julianne Moore，更有機會合照留念。Sandy最興奮近距離見到Mariah Carey，她笑言：「佢係品牌晚宴嘅表演嘉賓，唱咗好多首經典金曲如《Hero》，好似開咗個迷你concert咁，之後喺AMFER晚宴又見到佢，好難得呀！」

逗留十日，兩人還到St.Trophez散步看靚景。

每晚同囡囡視像通話一個鐘

此外他們還有跟章子怡閒談，Sandy說：「因為佢係品牌嘅全球大使，我老公嚟緊同品牌又有合作，會出一隻中西合璧style嘅錶，希望今年趕得切出。」難得去到康城，他們還與友人坐遊艇出海，又去了St.Trophez睇靚景。去到南法，當然要歎最出名的海鮮，Sandy稱：「生蠔、大蝦同蜆意粉都好好味。」由於逗留在當地近10日，她表示好掛住3歲女兒阡辰，所以每晚都要同囡囡face time一小時。

（左起）李博士與章子怡和蕭邦錶總裁Caroline合照留念。

李博士與劉倩婷在晚宴見到Julianne Moore，李博士也有贈她兩句。

李丞責博士拿着金羅盤，與太太劉倩婷行紅地氈。

今次劉倩婷帶了6套靚衫現身康城，並以黑色長裙出席AMFER晚宴。

劉倩婷以一身紅色套裝，出席品牌的傳媒午宴。

劉倩婷跟Chris Tucker集郵。

生蠔大大隻又鮮味，好食到停不到口。

當地的蜆夠濃味，意粉還很彈牙。