最緊要健康。

IG圖片

源於中國的新冠肺炎於全球113個國家肆虐，藝人崔碧珈的工作亦因疫情關係而告吹，目前人在美國的她於社交網站大呻在洛衫磯的廣告以及在當地的其他工作被逼取消。

IG圖片

崔碧珈留言：「啱啱收到通知原定下星期，喺洛杉磯拍攝嘅一個連鎖咖啡店廣告，因為最近疫情影響所以宣佈取消。好傷心呀，因為呢個係一個我好喜歡嘅品牌，全球超過2000間分店，仲以為之後可以日日免費飲咖啡哈哈。」除了不能拍攝知名咖啡品牌的廣告，更有其他在美國的工作亦亦要取消，就連荷里活大作的首映亦不能去。

IG圖片

她續指：「除咗廣告取消，另外所有公關活動，連同本身要出席派拉蒙影業的首映，全部喺洛杉磯都取消。而家剩返我平時嘅電影訓練未取消，因為平時我哋上堂都比較少人，一直我哋都有注意上堂前做好消毒。」除了專心訓練外，崔碧珈更言不能留在洛杉磯的傷心地，要到陽光與海灘邁亞密避世。

IG圖片

同時崔碧珈亦不忘提醒大家注意身體：「嚟緊嗰幾日突然之間冇嘢做，反正洛杉磯嚟緊日日都係落雨，聽日決定飛去Miami，去少人啲嘅地方享受陽光與海灘幾天，然後先再返嚟上堂。但係因為好多工作都係呢一度取消咗，所以我諗我會提前返香港，希望嚟緊香港嘅拍攝如期順利完成啦。當然最重要都係身體健康，趁呢段時間繼續好好增值自己為未來做好準備。」

IG圖片

然而，本來打算嘆盡陽光與海灘的崔碧珈卻又有阻滯，因為媽媽擔心之下，她只好繼續留在洛杉磯，更要遵守美國新防疫措施在家隔離14日，她留言：「本身今日出發去Miami諗住玩幾日，不過媽咪有啲擔心，所以都係留返喺洛杉磯繼續上堂。知道香港對美國入境嘅人有新措施，要強制家居隔離14天，唯有返嚟香港嘅時候，喺隔離期間除咗當休息之外，繼續睇劇本同埋自我訓練。」