美腿的確吸睛～

40歲的徐子珊（Kate），自2015年離開TVB後，轉簽王祖藍，主攻在內地發展，極少在港曝光。今年，她演出過邵氏網劇《守護神之保險調查》，劇集播出時，網民曾經好替阿Kate不值，指她戲份少過劉心悠，但當事人一於少理，皆因她近年努力讀書增值自己，讀完珠寶設計就開設自家首飾品牌，去年再報讀心理學碩士課程，下一步，還想讀埋心理學博士學位。

年初，子珊與《守護神之保險調查》拍檔苗僑偉(左)和劉心悠(右二)等，去安老院與長者食盆菜宴團年。

早前，子珊和鄧佩儀(左)到海南島出席《國際中華小姐中國站》記者會。

近日，Kate拍完內地一套古裝劇後「回歸」香港，日前下午打扮靚靚走轉中環。當日見Kate有化妝，穿上粉色套裝曬腳仔現身萬宜大廈。然後拿着袋戰利品走去附近銀行，在理財櫃位坐低談話。

成日唔喺香港，子珊都要去銀行處理嚇財務。

逗留約15分鐘，Kate折返萬宜大廈，見她開始忙看手機，看了一陣索性撥通電話直接對話。此時，子珊站在一間舖頭前面狂講手機，繞埋手又有點皺眉頭，傾了足足二十分鐘。其間有途人向Kate長腿掃兩眼，雖然未必記得子珊個名，起碼美腿贏「收視」！

子珊開始忙看手機。

子珊繞手傾電話，腳骨力唔錯。

子珊係咁喪傾電話。