台北板橋學生最愛食堂！平價啖啖肉海南燒雞脾飯！

海南雞飯大家食得多，但原隻海南燒雞脾飯你又試過未？呢間位於台北板橋致理科大附近既餐廳推出「招牌海南燒雞脾飯」，學生餐既價錢，但份量就非常足夠！巨型既燒雞脾肉嫩多汁，外皮配酥脆，配以勁香既蔥油飯，粒粒分明，仲有送小菜同藥膳湯添！餐廳亦有普通海南雞飯，配以特調既海南雞辣醬，同樣滋味！仲有「泰式椒麻雞排飯」、「南洋咖哩雞排飯」等等，都好受歡迎，餐廳仲有印度拉茶，充滿異國風味！

▲位於板橋既星馬廚房，招牌「海南燒雞脾飯」(NT$120) 份量足，好受附近學生歡迎！

▲外皮加上特製醬汁，非常惹味，雞肉嫩滑多汁，冇得輸！

▲另一款「泰式椒麻雞排飯」(NT$130) 同樣重口味，炸雞排都鎖住肉汁，非常香口！

▲餐廳仲有其他主食選擇，例如南洋咖哩、叁巴飯等，仲有多款泰式小食！

▲其中一款娘惹炸糕(NT$60)以山藥做成，可以沾椰奶食，甜而不膩，充滿異國風味～

星馬廚房

地址：新北市板橋區文化路一段311-2號

電話：（02）2251-2222

營業時間：11:30-14:30 / 17:30-20:30 (星期一休息)

文字來源：香港人.遊香港／圖片來源：@fattypie_eating、@lao_0329

這篇文章 遊台灣美食：【台北板橋學生最愛食堂！平價啖啖肉海南燒雞脾飯！ 】- 星馬廚房 最早出現於 香港人遊香港。