士多啤梨Fans注意！果欄現已有不少日本士多啤梨款式，今年產量比上年好，價錢亦相對夠平，$100可以買到兩兜甜王、熊本熊或閃亮香，另有多款靚靚禮盒裝，即睇果欄店主推介！教埋你點揀士多啤梨！

撰文：Joan 圖片：Tony

延伸閱讀：

深圳好去處｜萬象天地 6層高誠品＋6大必去打卡Cafe 閨密遊懶人包

【香港人嘗香港味】燉煮13小時！老陳皮冰糖燉檸檬 「關小姐」堅持無添加 保持食品天然味道！

果欄情報 日本士多啤梨

最近行經果欄，都見到有不同品種和顏色的士多啤梨列陣，港人愛喫日本士多啤梨，究竟今年有咩當造款式？記者請教了欄之選負責人，他們指今年士多啤梨比往年提早了開季，而且今年收成好，產量和款式多而穩定，所以價錢亦比往年便宜。今次為大家介紹12款士多啤梨，平的、大粒的、甜度高的、粉色白色樣樣齊！

果欄、水果店都有不同品種和顏色的士多啤梨列陣了！
欄之選負責人阿榮教大家揀士多啤梨。

最平！甜王＋熊本熊＋閃亮香

甜王、熊本熊、閃亮香這三款士多啤梨最受港人歡迎，因為產量穩定，價錢是眾多款最便宜，約$100就可買到兩兜！

平食之選

1. 福岡甜王甜味突出

甜王算是最多人認識的日本士多啤梨品種，產量較多，價錢經濟抵食。甜味突出，糖度達11-13度，食落微酸腍滑。

福岡甜王 $100-110／盒（2兜）

形狀有分別！分DX、G等級

甜王盒邊的等級通常會見到DX或G字樣，兩款的甜度其實差不多，最大的分別在於形狀！DX代表Deluxe，即士多啤梨賣相較華麗和靚，形狀上較一致，適合用來送禮；G是Giant，即每粒士多啤梨會大粒點，形狀較闊身扁平，每粒大小不一，望落無咁整齊，但口感會較豐富。

甜王盒邊的等級會印上DX或G字樣。
左面的是DX，右邊的是G。
DX的士多啤梨形狀飽滿，尾部尖尖位呈水滴形，整體較一致整齊。
G的士多啤梨的形狀較扁平闊身，大小不一，美觀度較DX遜色，但口感會較豐富。

2. 熊本熊 肥美多汁

熊本熊的士多啤梨，粉紅色的紙盒、包裝上有熊本縣吉祥物熊本熊的樣子，士多啤梨味道就如部長一樣，比較肥美多汁（甜度稍遜於甜王），口感亦較豐富！

熊本熊 $100-110/盒(2兜)

3. 閃亮香 清香水滴

閃亮香，士多啤梨如其名，表面有令身帶光澤，粒粒修長似水滴形，甜度不高，但味道帶清香，口感較爽身結實。如果想要便宜和外觀並重的，就非閃亮香莫屬！

靜岡閃亮香 $130/盒(2兜)
閃亮香粒粒修長似水滴形，味道帶清香，口感較爽身結實。

少見+搶手之選！

除了紅色士多啤梨外，也有粉紅色、白色的士多啤梨，粉紅色的是淡雪；整粒白色的叫白珍珠，由於白珍珠要混種種植，較難栽種，每個農場每日最多隻收割到50-60粒，產量極少，非常珍貴！

4.奈良古都華 紅色＋白色兩色盒裝

奈良古都華是近年的新品種，士多啤梨較大粒，特別在一盒有紅、白兩色，香味突出，甜酸均勻適中，口感較結實。

奈良古都華(紅白配) $410/盒(2兜)

5.奈良古都華 3色！紅＋粉紅＋白色

古都華也有細粒小小的選擇，一盒有紅、淡雪和白珍珠三色選擇，賣相好靚！

奈良古都華(3色) $498/盒(2兜)

6. 淡雪 粉紅浪漫外型

粉紅色的淡雪也是稀有款式，淡雪同屬白士多啤梨品種，佐賀及奈良縣均有出產，淡雪味道如其名，較淡味，甜度較低，但粉色外觀充滿夢幻少女Feel，送禮收到都開心！

佐賀淡雪禮盒 $258/盒(2兜)
粉色外觀充滿夢幻少女Feel！不過味道較淡，甜度低。

7. 白珍珠 罕見！全白士多啤梨

產量極少的白珍珠士多啤梨，全白賣相需要混種種植，非常罕見！白珍珠Size較大粒，香味和甜味突出，入口帶點石榴香味，非常特別！果欄來貨每次都只得10-20盒，見到要搶！

佐賀唐津白珍珠每盒2兜$368

送禮之選！一系列禮盒裝

8.美濃娘酸味突出

產自歧阜，一盒12粒，大粒整齊，色澤淺紅色，賣相好靚！這款士多啤梨酸味較突出，甜度低，口感爽脆。

歧阜美濃娘禮盒 $228

9. 達摩 香甜之選

達摩的甜度達15度，味道香甜濃鬱，酸味極少，愛喫香甜士多啤梨的朋友必試！而且盒面有心形開口設計，賣相整齊吸引！

高知達摩禮盒 $248
盒面𠝹成心形，粒粒士多啤梨配襯粉紅色底紙，送禮大方得體。
士多啤梨甜味濃鬱突出，酸味極低，愛喫香甜士多啤梨的必試！

10.佐賀ichigosan

佐賀ichigosan外形大粒漂亮，葉子大塊（代表養份極高），顏色紅潤。甜度達13-15度，帶獨特果香，酸甜均勻，肉質飽滿。

佐賀ichigosan禮盒 $288

11.眉山24粒禮盒

以禮盒裝來說，這款的士多啤梨數量最多，總共24粒。粒粒飽滿呈水滴形，入口軟腍，偏甜帶少酸。

德島眉山禮盒 $298
這款是士多啤梨數量最多的禮盒裝。

12. 長崎禮盒 大大粒4L

眾多款內Size最大的士多啤梨，一般分M、L等，這款Size達4L，可見其Size巨型！每粒士多啤梨獨立包裝，味道甜酸均勻，質感結實。

長崎禮盒 $438
士多啤梨大小達4L，非常巨型。

點揀最新鮮士多啤梨？

聖誕大餐選好想喫的士多啤梨款式後，購買時也要稍作檢查，如何纔算最新鮮的士多啤梨？首先要看其光澤，越光鮮的士多啤梨代表越新鮮，不可有發黃、發黑的狀況！

越光鮮的士多啤梨代表越新鮮。

第二可留意士多啤梨上的葉子，葉子要呈鮮綠色、並且向上翹起，則代表最新鮮。但如果葉子變深、甚至變黃，就代表鮮度減退，甜度或品質都會下降。

葉子呈鮮綠色、並且向上翹起，則代表最新鮮。

如何存放+清洗士多啤梨？

士多啤梨買完後要儘快食用，最好在2-3天就要食！正常放在室溫儲存即可，如果要放雪櫃，就建議用保鮮紙或報紙包着，密封表面，防止有水氣進入士多啤梨內，影響新鮮度！食前才用開水清洗，不過記得洗前不要拔掉葉子，以免有農藥殘留物或污染物隨水沖入士多啤梨內部！

士多啤梨買回家後放在室溫儲存即可。

其他當造水果

智利珍寶莊天鵝金櫻花車釐子 $128/磅
阿根廷珍寶莊車釐子 $78/磅
岡山縣紫苑提子 $178起(另設禮盒裝)
睛王青提 $238起
香印青提 $238起
日本青森牛奶金星蘋果 $25/個、$90/4個
另有王林蘋果（右）$20/個、$55/3個、富士蘋果$20/個、$50/3個
澳洲黑牌橙 $12/個、$50/5個
日本長崎蜜柑 $40/袋、$70/2袋
澳洲頂級牛油果 $30/個、$55/2個
青森蘋果汁 45/支
和歌山100％純蜜柑汁 $20/支、$36/2支
欄之選

欄之選 Market Choice

地址：油麻地果欄石龍街1號（顯示地圖）

電話：909 55479（可Whatsapp）

營業時間：10am-12am（公眾假期照常營業）

備註：

1)以上價錢只供參考，每天按來貨再作調整。

2)店舖另設送貨服務。

J.S. FOODIES登陸香港！美式班戟口味 兼賣Flipper’s梳乎釐班戟｜又一城

茶茶Go人氣臺飲登陸尖沙咀 招牌芋圓鮮奶＋芋頭滷肉酥｜臺灣菜

延伸閱讀：

觀塘工廈雜貨店聖誕開倉 $8四包薯片＋全場零食8折＋$1彩妝

相關文章