孙慧雪写真散文集剖白患瘤险割子宫

37岁「宅男女神」孙慧雪，虽然已经做咗人妻兼人母，囝囝Riley月底都满两岁，不过索妈身材更胜从前，今年再次杀入书展加入写真混战，唔怕同一班𡃁模以至同是人妻人母的温碧霞、罗霖斗过。做咗幸福人妈还继续解放性感，原来阿雪是为圆推出散文集心愿，不过散文写真集内有白Bra谷尽四吋事业线诱惑，真系睇到人喷晒血，咁火辣惹火，老公讲明唔会睇，为令老公安心，阿雪声言今次写真是最后一剥：「真系自己咁耐以嚟最性感一次，应该都唔会再出写真！」一班宅男，想睇就快手喇！

撰文：东方新地图片：新传媒图片、IG

孙慧雪打半年停经针

样子甜美兼拥有33C魔鬼身材，被网民捧为「宅男女神」的孙慧雪，16年为纪念入行十周年，推出首本写真集《 Once 》好评如潮，今年再接再厉出写真，唔系为突破性感界限，原来只为圆心愿。大学时主修语文系的阿雪，好想将个人经历同人分享，今次趁书展推出散文写真集《那个愿没有圆》，除咗大晒火辣身材，还大爆曾患腺肌瘤，差点不能成孕，对于成功诞下囝囝，阿雪接受本刊访问时感触良多：「𠮶时发现患咗腺肌瘤，有成8cm大，因为喺子宫内膜好深入嘅位，根本做唔到手术，除非系将成个子宫割走，当时医生话我怀孕机会率好低，我喺医院喊到收唔到声，后尾，打咗半年停经针，用提早更年期方法，希望令个瘤缩细，好彩个瘤真系缩细到1cm ，自己就把握时间生BB ，能够生咗囝囝真系好开心，虽然依家个瘤又去番5cm大，要食药控制住，其实一直以嚟，自己都冇讲呢件事，今次出书，真系好想用正能量去鼓励人，只要有信念积极去试，冇嘢系做唔到，希望大家遇到困难千祈唔好放弃，唔放弃你就会成就好多意想唔到嘅嘢！」

冇畀老公审批

身材向来有睇头，今次写真阿雪亦豁出去以最性感一面派福利，如此诱惑，她却透露事前未有经老公审批：「老公好信任我，佢知我好有分寸唔会乱嚟，亦唔会刻意卖弄性感，所以唔使畀佢审批，不过，佢都讲咗话自己唔会睇！」虽然表明冇眼睇，但阿雪老公依然以行动撑老婆，日前阿雪在会展出席完写真宣传活动，老公就带埋囝囝驾车接她，一齐去铜锣湾逛街，全程表现恩爱甜蜜，抱实宝贝仔的阿雪更笑到见牙唔见眼，有老公锡又生咗得意仔，幸福满泻！