諸勝堂 叉燒 滑蛋飯

呢間小店原先開係觀塘，最近搬左去上環，主打滑蛋叉燒飯。手打蛋漿製作的滑蛋特別滑嫩，配上叉燒、蝦仁食材，再倒上祕製甜醬油，食起來好過癮，三爬兩撥就食哂成碟滑蛋飯！當中滑蛋更特意選用日本雞蛋，炒至7、8成熟，入口嫩滑。叉燒係自家工場用心製作，大大塊厚切叉燒濕潤而色香味俱全，分量十足，叉燒肥瘦得宜卻唔會油膩，再配祕製甜豉油撈飯食確係一流，滑蛋飯仲可以選擇蝦仁，每天限定只係賣100份，想食就要早d落黎order。

▲ 自家製叉燒日本滑蛋飯（$56）自家工場製作既叉燒唔會好鞋口，其肉質鎖住肉汁非常juicy，同祕製滑溜滑蛋融為一體。

爽口蝦仁日式滑蛋飯（$57）順滑既滑蛋加上鮮脆口感既蝦仁！如果唔想食叉燒既朋友可以揀呢個飯。

▲ 自家製叉燒鮮忌廉豬骨湯意粉 配 4.3牛奶炒日本滑蛋（$48）湯意粉湯擁有香濃既忌廉溝埋豬骨湯，飲落順滑。

▲ 自家製叉燒鮮忌廉豬骨湯意粉 配 4.3牛奶炒日本滑蛋（$48）日本滑蛋蛋味甚濃，加上4.3牛乳炒蛋又滑又濃。

▲ 蟹柳炒蛋配蟹子醬三文治（$32），唔駛特別調味，單純享受蛋香嫩滑已經好夠。

▲ 即磨咖啡，飲落香濃

諸勝堂

地址：上環禧利街15號地下

電話：23941188

文字來源：香港人遊香港 / 圖片來源：＠whatieatiswhoiam、＠oilchi_ha、＠manmandylam、＠sunnypat

The post 上環茶餐廳：【自家製作厚切叉燒+日式滑蛋飯】- 諸勝堂 Katsudo appeared first on 香港人遊香港.