三哥一向愛狗如命～

神級凍齡人夫苗僑偉（三哥），去年已「登六」，但外貌勁保鮮，型過不少小生。縱橫影視圈40年的三哥常有佳作，繼月前他同劉德華、古天樂主演的電影《掃毒2天地對決》叫好叫座，近日亦有部邵氏網劇《飛虎之雷霆極戰》在內地熱播，帶挈《飛虎2》導演李惠民在過去釜山舉行的第一屆「Asia Contents Awards」頒獎典禮中獲得「終身成就獎」，監製樂易玲還公告喜訊，下年年初會開拍《飛虎III》。

三哥主演嘅邵氏網劇《飛虎之雷霆極戰》，日前在內地完美收官。

月前，三哥的索囡囡苗彤在社交網誌站貼出剛過身的愛犬黑白相，傷心悼念。日前，愛心狗主三哥不用開工約愛妻戚美珍前後腳抵銅鑼灣一間寵物店，為家添「新成員」。

6月時，三哥大女在社交網悼念牧羊犬，懷念自12歲起與愛犬共度嘅歡樂時光。

入行多年零緋聞嘅三哥三嫂，結婚29年，非常恩愛。

今年1月，三嫂57歲生日P，同丈丈順道慶祝埋結婚29週年，二人肉緊咀嘴。

苗僑偉與戚美珍90年結婚，現育有28歲大女苗彤（右三）；26歲孻仔苗俊（右二），星味兩姊弟大學畢業後，現居溫哥華，未有跟隨父母入行。

當日，三哥先偕助手現身寵物店，可見一向愛狗如命、先後養過牧羊狗、鬆獅犬等的三哥在店內逗玩小狗。其間，見他抱起一隻黑色小狗，似抱BB那樣溫柔呵護，又不時與店主大講養狗經，一傾就成個鐘，快樂不知時日過。其後，零妝三嫂駕車抵達，「愛妻號」三哥即叫司機幫忙找位泊車，等埋愛妻一齊入寵物店後，三哥笑容更多、笑得更燦爛。恩愛夫婦輪流抱玩店內小狗，轉眼間又過多一個鐘。

養狗多年嘅三哥，抱住小狗時愛心氾濫。

無化妝嘅三嫂戚美珍，保養得宜。

三哥一早去寵物店ready取新買小狗，等埋愛妻到達，恩愛夫婦再happy玩多成個鐘才走人。

此時，三哥發現記者在門外，即告訴素顏愛妻，着太太背對門口坐，然後走出門與記者聊談幾句。三哥先笑問記者有什麼好影？然後友善說：「嚟買狗糧之嘛！」其後，三哥折返舖頭，跟店主談多廿分鐘，就拿着些文件、一袋狗糧及寵物用品，抱住一隻深色小狗離開，似同老婆成功選中「新成員」，可以給身在溫哥華的囡囡一個驚喜！

見三哥離開時抱住一隻深色小隻，加上手上文件，似剛買新寵。

苗僑偉與戚美珍嘅大女苗彤，天生明星相。28歲嘅佢樣靚身材正，在UBC大學畢業後，曾獲TVB邀請參選港姐，但佢醉心攝影，現為專業攝影師。

苗彤