B女12月就出世啦～

林子善前年和拍拖六年的圈外女友Kary結婚，今年七月在社交網站貼出一張超聲波相及留言：「期待小公主的來臨，你要乖乖身體健健康康，懷胎十月辛苦曬大寶貝。」轉眼間林太懷胎七個月，但個肚不算好巨大。

林子善在網上公佈將做老竇。

TVB劇《金宵大廈》好受歡迎，林子善在劇中飾演陳山聰老友、手機舖老闆「膠罐」，出鏡率不算好多，但金句好多，如「今時今日搵三萬住私樓，不如搵萬幾住公屋」、「買樓係香港人嘅畢生夢」等，反映好多小市民「望樓興歎」的悲哀。

無綫截圖

日前晚上，林子善與穿著貼身裙的老婆去銅鑼灣超市買東西，林太主力買生果，見她拿住電話挑奇異果挑了好久，之後又同老公一齊挑橙，林太還好玩得，笑笑口叫個店員幫手揀，陀B陀得好快樂，相信肚中的未來小公主一定事開心的BB。挑完生果，兩人再去買餅，因為心儀餅餅放在底層，大肚婆不方便拿，林子善即做事情，買完就去自助找數，林太發現記者再告訴老公知，兩個人一齊同記者打招呼，之後林子善拖實老婆行返大坑寓所。

林太拎住電話揀奇異果，揀嚇又望嚇個電話。

林子善同老婆一齊笑住揀橙。

林太叫店員幫忙揀橙。

林子善蹲下揀餅，揀完就交畀老婆。

兩公婆一齊同記者打招呼。

好多人行路唔帶眼，所以林子善拖實老婆過馬路。