機械人都捱不過歲晚！

餐飲業出名惡做，流失率高。近年有餐廳引入機械人捧餐，貪佢「捱得」又可以做足全日不用休息。但近日似乎連機械人都要被老闆「炒魷」，有網民在fb羣組「我個世界無垃圾(報料熱線)」發帖，表示在旺角一個垃圾收集站內，發現一款捧餐機械人，與砵蘭街某茶餐廳同款，笑稱「近年尾生意差的公司開始裁員」。

可憐嘅「美女」捧餐機械人年尾被棄置於垃圾站。網上圖片

其他網民留言解畫，表示該餐廳用過幾次就將機械人閒置；「由頭至尾就係個腦細自己自high」；「餐廳又唔係大，自己二步就行到去，個機械人龜速」。另有網民「起底」，重溫2016年《機械人茶記》的專訪，當時老闆表示：「一個普通侍應人工每月萬二至萬四蚊左右，如果一個機械人可以做到侍應功能，幾個月就回到本。」看來，現在是賠了夫人又折兵，付出10萬元後投閒置散，現在要棄於垃圾站不顧。