備戰六月紅館騷 側田忙裏偷閒搵友人飲酒鬆一鬆
演唱會?輕鬆啦!
42歲的靚聲王側田將於6月14日及15日假紅館舉行《My Beautiful Curse》演唱會,他表示今次是以故事及倒敍形式記載自己人生,預告開場時係個「告別式」,將會比化80歲老妝更震撼的模式亮相,而且整個騷夾雜芭蕾舞團、魔術表演等訴說故事,會好似拉斯維加斯的大型歌舞那麼精采,非常震撼!
日前下午,側田備戰個唱都要出來呼吸一下,但不是陪長髮女友Karen拍拖,而是約了位外籍友人在百德新街的餐廳聊天。兩人好輕鬆邊飲黑啤邊笑笑口聊天,聊了幾個小時便離開。離開是,側田離友善與記者打招呼,並寒暄兩句。問到時否聊演唱會事宜?側田否認,指只是普通的朋友聚會閒聊。見他全程從容又笑容滿面,似乎對紅館騷充滿信心!