兩人還說互check對方鼻水、鼻毛有沒有結冰，超搞笑！

35歲「日本達人」周奕瑋（Jarvis）主持旅遊節目《周遊東京》系列夠貼地，連有要求的Do姐(鄭裕玲)都公開讚好，帶動他人氣急升。最近他就有份拍攝TVB新製作的聖誕微電影劇場《聖誕極光傳說》，還可以同32C仙氣女神鄺潔楹(Judy)做拍擋，正式撈過界，他卻謙稱：「因為我身高得165cm，正正可以襯到全公司最『高』嘅女藝員Judy，佢得155cm咋！其次喺劇中做純情毒男，同現實中某部份嘅自己係有啲似嘅。」

冰天雪地下取景睇落好有feel，但Jarvis話有苦自己知。

劇中周奕瑋演宅男，在公司沒有存在感，連做Judy觀音兵的資格都談不上，但兩人卻在加拿大黃刀鎮重遇且克服嚴寒一齊冒險，所以兩人有情深擁抱及面貼面親密場口，「我同鄺潔楹識咗好耐，對方入行時同我一齊做《娛樂新聞臺》，之後喺唔同節目都有合作，但拍前都有擔心過對住熟人做親熱戲會點？又怕戲屎會拖垮大家進度。原來喺零下30度拍外景係唔會撻得着，就連尷尬都冇，因為太凍。」

Jarvis有11年沒有開車，今次載住Judy拍戲，笑言好怕一旦有閃失，世上無了這個女神。

Jarvis同Judy在聖誕樹下凍到呆了，完全感覺不到浪漫氣氛，只知臉都是紅的，下顎僵硬到連對白都講不了，兩人還說互check對方鼻水、鼻毛有沒有結冰，超搞笑。「因為劇中話我好迷戀Judy，佢就乘機取笑我：『你都有今日喇』，因為之前合作會似前輩咁教佢。」首拍微劇場的Jarvis因Judy說他好用力演宅男，所以講到明不敢去看自己做得怎樣。

26歲的鄺潔楹擁32C豐滿上圍，網民讚佢細細粒好「Gfable」。

此行兩人去了加拿大黃刀鎮10多日，曾到北海道的Jarvis說未經歷過這麼冷，還要戶外取景，有好大挑戰：「我最怕凍親耳仔，有次冇帶護耳罩拍堆雪人場口，拍完已凍到暈暈哋，返到室內溫暖地方天旋地轉，凍到嘔，啲人形容凍到嘔好搞笑咁，但真實體驗有中暑作嘔feel，幾乎要攬住廁所嘔。」而11年沒開車的Jarvis要重拾軚盤，而且要載仙氣女神在雪地行駛，他說超大壓力。

周奕瑋會撲去火爐邊取暖。問到點解唔同Judy互相取暖？他笑言用暖包會較實際。

Jarvis在極光勝地黃刀鎮只看到少少極光。

周奕瑋、鄺潔楹貼住頭同火雞影相，稱這張已經叫做親密相，因為太凍激情不到。