Bob囡囡原来系体操高手 化表演妆网民赞有少女味
艺人林盛斌（Bob）时常都会喺社交网站上分享4位仔女嘅成长点滴，日前Bob嫂喺Instagram上分享二女熹儿同三女机儿表演体操嘅片段，原来两位小朋友都系体操高手，网民仲大赞熹儿同机儿化埋个表演妆之后，仲更加可爱！
撰文：Kayla｜图片来源：Instagram
延伸阅读：
HKTV Mall 限时优惠 A+B套餐$780平买两款家电
【亲子好去处】马湾复活节采蛋节2019
林家有女初长成，熹儿同机儿虽然年纪细细，但同爸爸一样非常有表演欲，日前Bob嫂就带咗两个女去表演体操，见熹儿同机儿化上表演妆，比平时多咗份「少女味」。
熹儿大玩呼拉圈，柔软度非常高，每个动作都有板有眼，表演欲咁高，唔知大个会唔会好似爸爸咁做艺人呢？
陈敏之同林盛斌对亲家
呢日，阿Bob一家同陈敏之一家一齐打边炉，期间敏之囝囝子乐被安排同阿Bob三女机机坐，点知敏之突然话：「子乐好似睇中咗机机咁」，阿Bob仲叫佢哋两对望，子乐随即大放电眼！
子乐望完一次都唔够，仲主动咁去望多机机一次，成班大人即时起哄，不断「Wow！」呢个时候，呢两位小朋友见到大人嘅目光，好似显到有啲不知所措，怕丑嘅机机就偷笑，继续低头食嘢。
林盛斌：要三千万礼金！
面对自己爱女畀人睇中，阿Bob更公开提出礼金要求：「三千万礼金，两层贝沙湾唔少过千五尺嘅」等，而敏之亦即时回应：「我点会出手咁低呀！闲闲地我都要机机做千亿新抱啦！」
阿Bob嫂Pearl就话钟意子乐活泼主动，仲已经得做，千亿外母，睇嚟玩得最开心都系班大人！
View this post on Instagram嗱，敏之，大家咁熟，我收顺少少嘞， 三千万礼金，两层贝沙湾唔少过千五尺嘅， 唔一定要海景，求其高层园景我都ok， 最后摆酒𠮶晚d人情唔驶分男家女家嘞， 总之条大数我八你二，你ok就择定日子再联。
A post shared by Bob Lam (@bob_lamshingbun) on Apr 5, 2019 at 9:32pm PDT
延伸阅读：
【复活节活动2019】港珠澳2日1夜亲子自由行好去处提案
