[出走到。華欣] Day 1@ 出發出發出出發!!!
等左幾個禮拜~ 終於都到左出發的日子!!!
8/6 出發,7/6出發的同胞撞到正黑雨重水浸添!! 聽聞有好多機都delay左~~
都有D單心,不過最擔心都唔係呢樣,而係....
"聽朝好似搭八點機喎..."
"係呀... 五點要起身..."
"記唔記得上次去日本..."
"嗯... 又係早機...."
"上次去清邁...."
"嗯.. 又係早機..... "
"好似都係的士司機救左我地.... "
"咁今次記得call定的士...."
無錯,兩次都係的士到左,我地都仲未醒,要司機call我地先彈起身,用十分鐘極速彈落樓先至可以安全上機。
所以今次,為安全計,除左call的士之外,哈生仲決定。唔。訓。!!!!
我... 就梗係執完行李,十一點幾就上床訓覺等哈生叫醒我啦~~~
我地呢個計劃究竟行唔行得通呢~~~~~~~~~~~~~~~~~
.....
.....
竟然係得!! 哈生真係無訓!!!
晨早五點半上的士,司機第一句就話,機場條路通左啦~ 唔屎單心!
Yeah~~~~
唔駛半粒鐘去到機場,太陽伯伯都出來了~ 仲好好天添!!
果然係一副一晚無訓咁o既樣子~~~
食個burger king,就去等上機!!!
三個幾鐘機 + 一個超級超級難食飛機早餐
終於都到曼谷啦~~!!!
搵到同我地一齊share van 的網友,就一齊去departure hall 出便等車入華欣!~~
呢部就係我地響泰友營入便o既華潤度book的van啦~~ 好新淨好舒服架
三個鐘車都唔係好支力~ 中途仲停左響個中途站度俾我地放水~ 司機仲買左幾支水俾我地~ 多謝晒~!
曬到PK的天色真係令人心曠神怡
貓貓都頂唔順咁曬~!
呢個休息站仲有幾檔小食添
上返車,再行左陣,就到啦~~!!!
AKA 我地黎啦!!!!!!!!!!!!!!!!!!!!!!!!!!!!!!!!!!!!