肥媽唔單止煮野叻，原來投資都係高手！

網上圖片

隨着高鐵香港段通車，肥媽早着先機北上惠州、江門、中山、佛山、肇慶及深圳等地拍攝10集《大灣區活好D》介紹當地「住好D」、「食好D」及置業情報。當年肥媽由一無所有，到今時今日家住山頂，物業遍佈內地、英國、馬來西亞、加拿大、澳洲等地，全靠發揮「女人仔」大智慧，她自豪地分享致富之道說：「我唔叻，但勤力肯做又抵得諗，辛苦搵埋就儲起，賺10蚊用3蚊，買磚頭最實際！」

網上圖片

肥媽最主張置業，尤其是內地樓價有升值潛力，她說：「我喺1986年買上車盤大圍金獅花園只係24萬，當年只係付一成首期加3萬律師費，跟住換中環樓，再跳去九龍塘，清水灣⋯以前租金貴過供樓，租畀人由租客幫你供，但近年香港樓市愈來愈貴，租值唔夠供樓，所以我轉戰內地、大馬投資，計落比較划算。」

肥媽拍外景順便置業（網上圖片）

不過，香港人「隔山買牛」在內地買樓慎防會有風險，肥媽提供小錦囊，謹記要先認清「五證兩書」，上埋官方網確認售樓授權書及授樓期限就萬無一失。問她可有試過買海外樓被騙？她坦言差點中招：「之前都有人叫過我買深圳筍樓，幾十萬一層近深圳市區樓真係好吸引，但查問後原來係農家樓，政府只係批地畀農民住，諗諗吓都制唔過，費事貪字得個貧，後來聽聞有人買咗加建後被拆卸，諗番都一額汗。其實我都俾人呃錢呃過無數次，受過好多教訓，因為讀得書少，六年級未畢業，簽署文件原來咁大件事，最好問多啲人，愈學愈精囉！」

網上圖片

網上圖片

網上圖片