ViuTV自家制作的剧集《玛嘉烈与大卫系列 绿豆》，改编自同名的网络人气小说，道出一男一女的爱情故事，最重要系剧情够晒贴地，尤其描写男女关系够晒到肉，网民大赞劲有共鸣！

而昨日林保怡、周家怡、卫诗雅及伍咏薇等一众ViuTV爱情悬疑剧《叹息桥》演员，到湾仔香港影视娱乐博览为剧集宣传，《叹息桥》起用《绿豆》班底，唔少网民都话演员同幕后班底有实力，一定支持咁话！

撰文：东方新地 ｜图片：电视截图、新传媒图片

延伸阅读：

杨埕爆男友出轨丧闹港姐M 7位最大可能嫌疑人！

陈小春开xx间分店变清汤腩大王 年吸过千万人仔！

《绿豆》班底再拍新剧《叹息桥》

《叹息桥》林保怡、周家怡、伍咏薇、陆骏光及卫诗雅等一众ViuTV爱情悬疑剧《叹息桥》演员，昨日现身到湾仔香港影视娱乐博览为剧集宣传。兼任监制的林保怡指《叹》剧远赴比利时拍外景，而佢同导演早于两年前已构思开拍，故事是以人性出发，林保怡话可能要睇两次，但睇完就会觉得好心痛好肉紧，但佢都储咗一班会思考嘅观众。

曾合作拍《绿豆》的林保怡、周家怡两人分外投契，身为监制的保怡直认刻意揾周家怡演出︰「佢系最佳女配角！」家怡也向保怡笠高帽，笑称因与保怡合作后令她提升演技，才有机会凭《无双》争香港电影金像奖最佳女配角奖。

女主角之一的伍咏薇投诉她跟周家怡冇份去比利时拍外景，但保怡话：「带你哋去就拍唔到，你哋实挂住玩！」首次任监制的林保怡坦言压力好大：「我每日第一个到场，香港拍咗50日，先至去比利时拍6组戏，每一日都好早起身，又冻又大风。」

大会当日播出宣传片,位位都是实力派演员。

精采回顾：绿豆变绿帽！《玛嘉烈与大卫》 网民激赞

《玛嘉烈与大卫 》剧情讲到玛嘉烈(周家怡饰)与大卫(林保怡饰)虽已同居屋簷下，但不禁同床异梦，因为玛嘉烈与大卫的好友赵子龙(潘灿良饰)关系非比寻常，之前仲喺摩天轮热吻！而大卫亦同客人Diamond(廖碧儿饰)关系扑朔迷离，今集大卫到底会否出轨？

大卫本身谂住上房接Diamond返屋企，点知对方叫晒Room Service请佢留低食饭。之后索爆又饮到半嗔半醉的Diamond躺在床上，话要你留低陪佢「倾偈」，相信唔少观众同小编一样睇到心痒痒！不过大卫只系淡淡然咁话︰「倾偈可以去其他地方，呢度始终系酒店，如果俾人见到就水洗都唔清。」果然系个定力十足的好男人！

平时甚少讲自己感情事的大卫，呢晚可能几杯落肚于是大吐苦水，将长久以来压抑的情感抒发晒出嚟，有唔少观众话睇到眼湿湿！

Diamond听听吓瞓着咗，不过大家可以放心，系并没有任何下文的。

至于同一个晚上，玛嘉烈就同咗赵子龙去按摩，仲要试咗个「情侣套餐」鬼咁开心。对于佢呢种「朋友妻，当好西」的做法，观众当然系睇到咬牙切齿！

有睇开呢套剧的朋友都知道，每集末段都会有林海峰的一段旁白，而呢一集林狗一段话更令观众听得心隐隐作痛︰「当发现自己变咗心，可能或者会觉得内疚。但你最想嘅唔系向情人坦白，而系希望对方同你一样，爱上另外一个。」真系好到肉！

网民点睇︰

最正都系呢个留言，话剧名应该由「绿豆」改成「绿帽」！

「我几时有讲过呀？」《绿豆》道尽女人善忘

而呢集就讲到大卫如常揸Uber载客，原来今次系大家都好熟悉的河国荣call车，佢仲赞大卫部车好靓。不过去到目的地之后，有几位警员早早守候，大卫仲以为佢哋系要拉河国荣。呢个时候河生就表露身份，原来佢系重案组探员，今次放蛇捉Uber司机，大卫中伏！

其实玛嘉烈同赵子龙关系非比寻常，大卫岂会不知？不过为咗维系呢段感情，佢选择默默承受。但呢个moment佢终于要爆啦！俾人拉返警署已经够惨，仲要玛嘉烈一句挞埋嚟：「我其实真系唔明点解你会俾人拉啰！」唔爆就假！

大卫：「(点解俾人拉)因为我揸Uber呀，系你唔钟意的士佬叫我揸Uber呀！」

玛嘉烈即时反击：「哗你咩都赖晒落我度，我几时叫你揸Uber？我冇讲过嘅嘢你唔好屈我㖞！」不过咁，其实冇人屈佢，因为玛嘉烈在第三集时的确有讲过…...

睇到呢度，相信唔少男士都好有共鸣… 唔少人话「女人总是善忘的。」有啲说话自己明明讲完又当冇讲，明明冇讲又话自己有讲。「我几时有讲过呀！？」OK就算男方清楚记得，一样可以话你记错。好啦如果你打算认真讨论落去，女方第二张王牌可以出动：「咁你即系唔信我啦！？我哋一齐仲有咩意思呀？」

延伸阅读：

前度闪婚独女拍拖！李丽珍傍实老友记开饭