善心俾人利用，當然要出聲~

黃夏蕙前年成立「夏蕙慈善基金」，籌募經費幫助長者，目標是在中山興建老人院照顧獨居老人。不過基金捲入金錢糾紛，令夏蕙姨嬲爆，今日凌晨3時更在社交平臺發文，回應傳聞稱：「我唔出聲，唔代表我唔知！」

（網圖）

（網圖）

夏蕙姨表示近日其Facebook專頁受到騷擾，有人不斷甫出她的名、照片，想惹起她的回應。她留言：「我只可以同妳講，『曾經受了教訓，得了歷史的指引！』21年前的我，因為我強出頭，幫姊妹爭公道，引來香港人嘅笑話，21年後今日嘅我，只會用：【唔屬於自己嘅事，一定唔會理！只會一笑置自知！】嘅態度處理。

由於郭家健先生早前已經主動宣佈同我脫離上契關係，所以我唔方便再同郭先生接觸，噚晚已經託人打畀佢，叫佢唔好再用我嘅肖像做任何活動同商業宣傳。其實我已經80幾歲，有啲乜嘢神奇嘢未見過呀！

黃夏蕙

黃夏蕙

叫得我做契媽，為人必須向善，團結一致，可以鬧人 ( 因為我都經常鬧人 )，不過千萬唔可以害人，可以成為契仔契女就係一種緣份。我要每一個契仔契女行出嚟都可以昂然闊步，腳踏大地；面向人羣。成為人中龍鳳。

我只可以好肯定講一句，冇任何人同任何事，能夠阻止我做慈善嘅心，因為老人家無依無靠係好慘嘅事，所以我已經鐵了心，善用【夏蕙慈善基金】為老人家做好多好多善事嚟幫佢哋安享晚年。完」。