大細路~~

現年三十一歲的梁証嘉，在無綫熱播處境劇《愛•回家之開心速遞》中，飾演朱凌凌（吳偉豪飾）的兄長「朱天梯，TT」，兼同熊心如（蘇韻姿飾）發展感情線。劇中扮演律師的他成熟穩重，而現實中的他，去年結婚成家立室，看來真是「大個仔」喇！

喺《愛》劇中飾演律師朱天梯嘅梁証嘉，被蘇韻姿飾演嘅熊心如單戀，發展一條新嘅感情線。(東週刊圖片)

不過，早前記者乘搭港鐵時巧遇梁証嘉。相信他正準備返電視城開工，直到將軍澳站落車前，他都機不離手。即使在企位，他都照樣企喺度打遊戲機，還打到埋頭埋腦，差點就錯過車站落唔切車，好彩他最後及時醒覺。

雖然企住喺度，但梁証嘉全程仍機不離手，埋頭埋腦喺度打遊戲機。(東週刊圖片)

記者還發現，他個背囊度，除了袋住個保暖壺載熱飲之外，還掛住一個日本動畫《海賊王》的Q版掛飾，相當搶眼。看來，他童心未泯，心境還是個「大細路」噃。

(東週刊圖片)

孭住背囊返電視城開工嘅梁証嘉，除咗袋住個暖水壺之外，最搶眼係《海賊王》嘅公仔掛飾。(東週刊圖片)

現年三十一歲嘅梁証嘉，去年結婚成家立室，之前仲同老婆仔，飛去倫敦影咗一輯靚靚婚紗照。(東週刊圖片)

更多娛樂消息，請看東周網：https://eastweek.my-magazine.me/main/entertainment