衛蘭（Janice）和衛詩（Jill），早前遠赴多倫多等地，出席生命分享會，希望藉著自身經歷，鼓勵失意的靈魂。兩姊妹將於下月7日再度合體，聯同Robynn & Kendy、樂隊FreshLife、新進唱作歌手Zino Chan等單位，參與假九龍灣國際展貿中心舉行的「一首歌一個希望」慈善音樂及生命分享會2019，以歌聲傳達愛與希望，撫平生命的傷疤。

人生之路，有起有落，衛蘭衛詩說著愛和希望，也憶述在低谷裡如何自處。十年過去，Jill不諱言：「以前嘅我曾經好迷失，嗰段日子可以話係人生最低谷嘅時期，咁大個女從未經歷過咁抑鬱、咁孤獨嘅時間，我唔敢出街，只係想收埋自己，試過想放棄一切。」

現時Jil除了身體力行投身慈善工作，亦希望藉著歌曲，鼓勵同路人走出低谷。「新歌《幸福相擁》令我諗起好多曾經幫助我嘅人，喺我最軟弱嘅時候扶起我，希望大家聽到呢首歌，會諗起身邊嘅英雄，無論遇到乜嘢難關，佢哋都會喺度陪住我哋。」

近月推出首張福音專輯《In His Name》的衛蘭，笑言感激公司願意冒險，不計成本、不理銷量地支持，她認為這是使命：「我同妹妹一直以嚟有個心願，就係透過我哋嘅聲音去幫助別人，我哋視呢個為使命。新專輯籌備超過年半，最大嘅困難係搵填詞人，最後透過祈禱，喺神嘅幫助下終於搵到適合嘅人。」