馮盈盈18歲收過最厚禮物竟然係… 馮爸爸出手超闊卓！

18歲係踏入做大人嘅一個年紀，最新一集《後生仔傾嚇偈》就以此為題，一班後生仔分享自己18歲後「解鎖」事項，其中馮盈盈更講到自己18歲時收到嘅生日禮物，原來係份厚禮之餘，仲要唔止一份！

撰文：東方新地｜圖片：影片截圖、馮盈盈Instagram

馮盈盈18歲首先去咗呢度先

踏入18歲，唔少人都可能會即刻去做之前未夠秤而唔俾做嘅事，而馮盈盈一開始就即刻話自己想去酒吧飲嘢，見識一下，於是就相約幾位同年嘅女仔一齊落蘭桂坊，但去到酒吧竟然唔係點酒精類飲品，而係叫奶昔，全場嘩然，相信唔少人都心諗係真唔係呀？

馮盈盈

陸浩明就對於盈盈以咩衣著落酒吧比較有興趣，問佢：「係咪個個都盛裝打扮，著哂黑絲咁去？」，盈盈馬上答話真係穿住黑絲落去，因為嗰晚仲好凍，10點幾去到之後飲完嘢，12點前已覺得冇嘢做，所以大家都話要走，果然「真識玩」！

18歲收過最厚禮物

講到自己18歲嗰年收到咩特別嘅禮物，盈盈好認真咁話18歲收到爸爸所送嘅一份厚禮，仲即刻攞出嚟俾大家睇，原來係一個綠色嘅HERMÈS Picotin Lock Bag，大概三萬幾蚊！收到呢個大名牌嘅手袋，盈盈就梗係高興啦！

不過原來馮爸爸咁大手筆係有原因，盈盈指爸爸希望佢大個女：「用啲嘢要有taste啲、學識欣賞啲靚嘢。」講到呢度，麥明詩忍唔住插咀話：「佢對你係有呢方面教育，但你點解出到嚟係而家咁?」，搞到盈盈都只好尷尬咁笑。

雖然盈盈仲話：「果陣我真係唔明個袋點解咁貴，但爸爸心態係大個女，要睇靚嘢，準備投入金錢、物質世界。」，但其實講到底咪就係馮爸爸想個女開始學識有眼光，睇落盈盈都冇令馮爸失望，皆因佢已經搵到個醫生男友Martin。

仲有另一份厚禮

另外，馮盈盈之後再接受訪問，更大爆自已其實仲收話另一份厚禮！佢話嗰時自己好鐘意韓國男團Super Junior，所以考完DSE，屋企人就送咗個日本演唱會之旅比佢，盈盈屋企人真係好闊老呀！

View this post on Instagram
181031 Happy Halloween Hope you like my present for you 💝💝💝 #3years #佢唔願上鏡所以都係影我 #佢想要份禮物好耐 #終於送比佢 #大家估唔估到係咩 #求求唔好再傳我緋聞🙏🏻 #又要送大禮 #仲要應承2個月唔準發脾氣 #今次麻煩喇🤦🏻‍♀️
A post shared by Crystal Fung (@crystalfyy) on Oct 31, 2018 at 9:50am PDT

View this post on Instagram
#graduationseries Everything in life I share except of course my #Hungbobo 🐻💕 #繼續畢業系列🎓 #graduationseason #陪我訓覺 #再陪我畢業 #loveyourbighead #myfacelookssosmallhere #hehe💗 Photo credit: @kennethcheung
A post shared by Crystal Fung (@crystalfyy) on Dec 8, 2016 at 7:53am PST

馮盈盈上《美女廚房》性博士上身

前港姐冠軍馮盈盈（Crystal）喺J2節目《#後生仔傾下偈》入面經常有出位言論，故有「性博士」同「粗口港姐」之稱。24/11播出嘅《美女廚房》就請嚟幾位曾經上過去被封為「地獄廚神」嘅藝人上去一雪前恥。今次玩法有啲唔同，評判廚師Jacques矇眼同時指引三人做三道不同菜式。

一開始馮盈盈觀察食材時就聞一聞紅酒，話：「真係紅酒嚟㗎！」

評判之一嘅詹瑞文聽完之後不禁問FYY咩叫Bordeaux？仲糾正佢嘅讀音。

FYY知道自己講錯英文，就笑言指自己啱啱打完Botox(肉毒桿菌），塊面比較緊，所以讀唔到個音，氹得一班評判好開心。

其後去到第二個環節，每個「地獄廚神」旁邊都有屏幕用非中文語言顯示1-10項烹煮步驟，「地獄廚神」要做到司儀或評判所要求嘅指令先可以將其中一項變成中文。

叻哥叫FYY求其唸一首唐詩嚟聽下，就將韓文轉到中文。

FYY唸出李白《靜夜詩》，不過4句共20個字入面有3個字都有懶音，搞到戲劇大師詹Sir都忍唔住話佢兩句。

唸完唐詩後詹Sir畀多次機會FYY：「我哋唔睇你口音係咪準確，睇你夠唔夠口齒伶俐就算喇！」原來詹Sir係想考FYY講急口令「黐線蜘蛛啲蜘蛛絲黐住支樹枝」。

FYY成功講急口令後獲評判大讚，呢個時候FYY就話：「我條脷好叻㗎！」雖然佢係講緊自己口齒伶俐，不過讚自己條脷好叻令觀眾覺得佢突然性博士上身。

馮盈盈爆熱戀期夜晚好攰

日前《後生仔傾嚇偈》一集以「熱戀期」為主題，討論嚇熱戀期有幾長、有咩特徵等，馮盈盈依舊意見多多，仲話「熱戀期夜晚好攰」，雖然佢好快就解釋係因為夜晚要傾電話所以好攰，不過大家明盈盈想講咩啦！

馮盈盈

盛裝出席、瑜伽招數……

之後大家又講嚇情侶過咗熱戀期後會有咩特徵，馮盈盈又嚟料，不假思索寫下「夜晚好空閒」，因為自己同男朋友夜晚都唔係太有心去做運動！之後盈盈回想熱戀期時，「運動」時會準備好多「道具」或者「盛裝」出席，仲誇張到「會睇小說參考入面的情節，瑜伽招數都會使出」喂唔怪得夜晚咁攰啦！

怕男朋友搵其他人做運動

馮盈盈表示，與男朋友熱戀時自己仲係學生，夜晚大把精力做運動，就算對方第二朝要返工都唔放過佢！盈盈就解釋點解咁Chur，係因為擔心男朋友會出去搵其他人做運動，所以要用盡對方啲Quota……

依家又唔擔心？

咁點解盈盈依家又唔擔心男朋友搵其他人做運動呢？佢竟然笑男朋友年紀漸長，同埋了解過對方工作環境後完全唔擔心，對佢好有信心！

獲點名拍安全套廣告

講開做運動，早排馮盈盈性感現身《2019無綫節目巡禮》，佢率直敢言的個性獲得好多觀眾甚至廣告商的青睞，現場有廣告客戶點名想搵佢拍安全套和女性健康飲品廣告！

盈盈喜出望外，並再語出驚人說：「兩個產品我都有用呀！女性補品一定要啦，安全措施都好需要推廣，不應該避忌，應灌輸正確訊息。」

馮盈盈大爆自己似日本女優！

之前《後生仔傾下計》曾探討「成人影片」話題，馮盈盈當然「性博士」上身，當一眾後生仔講到伴侶性慾較強該如何解決，馮盈盈即以食飯作比喻，即話如果對方食完唔夠飽，就畀佢自行解決！

隨即就有後生仔提出，此舉咪相等於畀機會對方出外偷食，但「性博士」就立馬否認，並解釋指若然對方明明食得唔夠飽，但仍然會選擇自行填肚，都唔搵其他廚師，咁就係對方愛自己嘅表現。

馮盈盈又話覺得女優蒼井空好吸引，語氣非常敬佩，並以老師專稱蒼井空，話唔定盈盈都係蒼井老師嘅「學生」，跟老師學習過。

唔少網民就討論究竟馮盈盈係開廠前做足功課，定係平日真係有睇開，皆因佢數出唔少AV片種！

馮盈盈自爆似AV女優

重點係盈盈仲自認自己似AV女優桃谷繪裏香，當陸浩話唔識嘅時候，佢仲大聲叫啊陸上網搵嚇！

曾發表「港姐公廁論」

另一集中，陸浩明提到做女人的好處，其中一個就係嫁入豪門會俾人話係「做少奶奶」、等，相反男仔就會俾人話入贅、「食軟飯」。點知港姐出身的馮盈盈同麥明詩就搶住大叫，表示如果港姐嫁有錢人，就會俾人話「睇死佢鈞金龜」、「係雞」等難聽說話…… 認真陰功！

咁都仲未夠，馮盈盈仲突然補多一句：「公廁！」自己身為港姐冠軍，竟然將呢啲網絡用語拉埋同港姐嚟講，佢都算係「神奇頂級超卓」～

「大胸」波波有話兒

講完港姐嫁入豪門，之後眾人講到女仔「大胸」係其中一個優勢，不過就容易因為負膽重而令肩膊疲累，呢個時候當然要問到全場身材最好的「波波」黃凱儀，波波承認係會被內衣勒到有痕，肩膊累之餘仲好容易寒背。呢個時候麥明詩大爆之前同波波去日本時，原來兩人詳談過縮胸手術…… 睇嚟冇方面煩惱的麥明詩，都好為波波著想喎！