行極都睇唔啱~

陸永同老婆結婚8年，家有兩個分別就快8歲及6歲的囡囡，一屋女人的陸永好幸福。日前下午，陸永同老婆及一名女友人去尖沙咀K11 MUSEA行街， 眼利的陸永好快發現記者，又主動報料「嚟買禮物，睇唔啱。」叫他同老婆一齊影張相，陸永笑住推卻「佢唔鍾意呢啲嘢㗎。」

陸永扶住老婆行街，好Sweet。

陸永有靚老婆繞住佢隻手行商場。

因為轉數快，說話又好笑，加上拍住Do姐，陸永同C君都非常搵到食。去年暑假，陸永就帶老婆去內蒙古玩，之後再一家四口飛去蘇梅享受陽光與海灘，辛苦搵錢都花在屋企人身上，好男人。

兩人行街不忘買麵包畀囡囡食。

陸太及女友人行了成粒鐘都無嘢睇啱。

《頭條日報》報道，日前下午5點，陸永同老婆及女友人現身K11 MUSEA，見三人行街純粹Window Shopping，望一望店面就行過，之後行經Coffee Shop就買了包咖啡豆，跟住繼續見舖過舖，然後終於搵到間舖可以看，主力陸太看，陸永就陪住老婆，但都無心水。離開時陸永發現記者主動Say Hi，陸太好避忌，即刻閃走。陸永笑笑口話「同老婆來買禮物，但睇唔啱，之後就去咗買麵包然後再去停車場攞車離開。」

陸永好易認，有Fans見到即集郵。

陸永發現記者主動Say Hi。

陸太見到記者好避忌，陸永同記者傾幾句就貼住老婆離開。