辛苦哂！

謝霆鋒和甄子丹繼2006年的《龍虎門》後再度合作，正趕拍由陳木勝執導的動作電影《怒火》。近年專心拍攝飲食節目《鋒味》的霆鋒透露接拍《怒火》完全是因為劇本好吸引，又說自己很久沒拍動作片，今次會盡情去打。

謝霆鋒和甄子丹曾於2006年合作《龍虎門》。（網上圖片）

近日天氣炎熱，霆鋒和子丹早前拍攝一場追車戲份就非常辛苦，由於現場被藍綠布幕包圍，無風又焗，好易中暑，工作人員要用風扇陣為兩人降溫。西裝上陣的子丹不消一會已滿身大汗，要不斷飲水補充體力，而穿整套電單車服裝和頭盔的霆鋒更加辛苦，不用埋位時都要坐在風扇前降溫，最後順利在黃昏前完成拍攝，子丹亦主動萬歲，請飲下午茶讓大家解暑。

劇情講述霆鋒駕電單車伸手入車內箍住子丹條頸，身兼動作導演的子丹親身示範。

因為好熱，工作人員遞上大風扇幫霆鋒降溫。

拍咗一陣，子丹已拍到成身汗。

其後，再發現霆鋒在油麻地一間樓上舊式髮廊拍攝一場監視戲份，雖然只是簡單的文戲，霆鋒又全程留在髮廊，坐近窗前不停望街。不過，由於劇組申請封街拍攝，附近工作的人被影響，不斷追問劇組人員幾時解封。

樓下封街，霆鋒在樓上舊髮廊拍攝。