家怡表示會扮得靚靚出席，搏攞番個最佳衣著獎！

周家怡最近憑電影《無雙》「何蔚藍」一角，首度獲提名香港電影金像獎最佳女配角，她坦言當然好恨得獎，但對手實在太強，所以只有以平常心對待，但一定會準備好謝詞，因入行21年以來實在有太多人需要道謝，還會扮得靚靚出席，笑言搏攞番個最佳衣著獎，亦坦承獲提名後，最開心是工作量確實有增加。

家怡憑電影《無雙》中督察「何蔚藍」，首度獲提名最佳女配角。

家怡認為對手實在太強，所以對得獎以平常心。

家怡謂宣佈獲提名一刻，剛好跟父母去了食麵，邊看網上直播，「聽見古仔（古天樂）講我個名時，我仲好冷靜食住啖麵，同我嗲哋媽咪講佢哋興奮過我，我當然係好開心，都好恨攞呢個獎，但係對手實在太強，好似小紅姐（惠英紅），我睇咗《翠絲》，佢真係演得好好，所以自己都係平常心去諗啦！」

家怡自爆嗲哋媽咪得知她獲提名時，比自己更興奮。

家怡坦言拍攝電影不算多，今次遇到好角色「何蔚藍」便獲得提名，都覺得機會難得，「估唔到一撲就中咗，都覺得自己好幸運㗎！」她認為這要多謝今次電影的臺前幕後外，入行以來幫助過自己的人都要好好感謝，所以臺詞會一早準備好，「就算冇獎都會將謝詞放上社交平臺公開，因為如果有咗呢啲人，冇今日嘅周家怡。」講到當晚戰衣，她亦開始準備，「好多謝電影嘅美術文念中幫我搵，雖然未揀好，但會減定肥着，希望冇獎都攞番個衣着獎嘛！」

當然一班演員好拍檔，亦造就家怡演出有好發揮。

講到獲提名後最大得着，家怡謂工作量確實有增加，「嗰晚喺導演會個晚宴發現係多咗好多導演認識我，係多咗人搵我演出，雖然有啲未傾成，仲有就係商演嘅機會亦都多咗，希望會愈嚟愈好啦！」

獲提名家怡首先要感激起用他的伯樂—莊文強導演。