「大仔」電話？

35歲的苟芸慧（Christine）去年同富商賽車手陸漢洋（William）結婚後，坦言想開心過幾年二人世界先，所以未急於生仔！日前下午，Christine約了圈外男友人在中環置地廣場歎茶，期間見她收到電話後即急急離開，難道是老公來電，要急回家見「大仔」William？！

早前，苟芸慧與老公恩愛去睇劉德華演唱會。

2009年國際中華小姐冠軍苟芸慧，去年9月與陸漢洋在加拿大註冊結婚，10月再豪花逾千萬在港舉行早晚兩場婚禮。新婚的Christine和老公早有共識，暫時享受二人世界，未計劃生小朋友，透露三、四年後才會生B，到時會全職做媽媽。雖然未準備生B，但人妻亦希望培養老公做個「見習爸爸」，所以兩夫婦助養了四個來自柬埔寨和斯里蘭卡的小孩，善心滿載。

苟芸慧去年9月與陸漢洋在加拿大註冊結婚，10月在港舉行婚禮。（資料圖片）

苟芸慧坦言婚後4年要把握工作時機，之後才生仔。

近日，苟芸慧忙與馬國明和黃宗澤合作拍網劇《飛虎之雷霆極戰》。

日前下午，見一身黑色打扮的Christine戴上黑色口罩與圈外男友人去中環置地廣場歎茶。「鬼妹仔」性格的她一邊飲咖啡，一邊手鬱郁和友人吹水。未幾，見Christine手機響起，即甜蜜蜜的聊了幾句，收線後火速起身離開。戴上口罩的Christine發現有記者，還主動微笑揮手打招呼，其友人亦同時揮手，最後急步出商場上車離開。

化咗妝嘅苟芸慧好省鏡，舉手投足散發魅力。

「鬼妹仔」性格嘅人妻傾到肉緊手鬱郁。

收到call後，Christine馬上戴口罩密冚離開。

苟芸慧風騷向記者微笑揮手打招呼。