不愧是「娛圈小富婆」！

35歲的李彩華（Rain）於今年二月閃嫁內地鋼鐵商人Eric Huang，正式成為黃太。老公身家億億聲，家族更擁有逾11億港元的四合院。不過回內地發展多年的Rain早已有「娛圈小富婆」稱號，2017年已擁有12個物業，大把身家，難怪一身名牌。

今年情人節，李彩華網上公佈同拍拖半年的Eric結婚。

Rain婚後拍了一套內地劇，表示成個月無見過老公，只靠視像聯絡，更透露已計劃明年減產，努力造人：「暫時都冇時間造，不過就有計劃下一年，暫時享受嚇，因為之前大家都各有各忙，想享受二人世界。」問到老公有否詐型？她說：「咁又冇，佢都好忙，我哋月底工作完會再見面，Honeymoon都未計劃去邊，到時再算。」

Rain係Hermes嘅忠實Fans，擁有大量品牌嘅限量產品。

老公好忙，難得留港的Rain爭取時間去血拼！日前晚上，拿着Fendi手袋、好貴氣的Rain先去利園Chanel，行了一陣已購入新袋，其後再去Hermes，早已是品牌VIP的Rain一進店就隨便試絲巾，綁腰又做頭帶，試了一陣就決定帶它回，然後又有試戴手鏈。付款時， Rain與店員有講有笑，雖然老公不在身邊，但Rain都好開心。

Rain好鍾意用絲巾當頭帶用。

Rain拎住電話同職員研究新貨。

坐低找數時，Rain好好笑容。

Rain拎住成抽名牌袋。