子羚追問輝哥有無像他的「筍盤」介紹～

好戲之人張兆輝最近再返無綫助陣，在懷舊懸疑新劇《黃金有罪》夥拍TVB力捧的姚子羚，二人上演一段錯綜複雜的感情。戲外，剛過38歲生日的子羚，自今年三月宣佈與有米男友「的士邦」鄭子邦分手後，感情生活一片空白，笑言：「現在連心儀對象都冇，好怕愈諗愈抑鬱！」還趁機叫好男人輝哥介紹「筍盤」！

張兆輝、姚子羚（網上圖片）

姚子羚今年三月宣佈與男友鄭子邦分手。（資料圖片）

日前，張兆輝、姚子羚和楊卓娜在中環拍外景，講述輝哥重遇失散了的前度，見楊卓娜坐輪椅，悲喜交集下相擁，令遠處的現任女友姚子羚百般滋味在心頭。輝哥笑言：「呢場係好掙扎嘅內心戲，真係男人最難決擇嘅時刻。」

日前中環外景時，姚子羚遙望張兆輝和失散的前度重遇，難免觸景傷情。

輝哥攬住舊愛楊卓娜，對她身體傷殘要坐輪椅，更添愧疚。

同場加映，張達倫（左）和蕭正楠摸手仔，原來戲中兩個學生哥正在研究追女仔絕技。

子羚則坦承是帶著抑鬱情緒開工，好彩收工有好多事要做，沒多餘時間想太多。輝哥就許下承諾，說如果自己搞到子羚抑鬱，他會提供素食作為抗抑鬱藥，保證子羚會開開心心不用愁。

早前，子羚38歲牛一獲楊千嬅和丁子高夫婦替佢慶生。

早前在泰國取景時，子羚指結婚21年的輝哥和輝嫂形影不離，相當恩愛，羨煞旁人，為免再浪費時間，她有向輝嫂求教揀個好男人心得，「輝嫂開心share話：『女人揀男人要睇孝唔孝順、會唔會顧家，咁樣可以反映到將來點對自己屋企。』」

戲中情侶輝哥和姚子羚在泰國外景時排排坐談心，子羚眼中的輝哥，戲裏戲外都係一等一好伴侶。

語畢，子翔即時追問輝哥有無像他的「筍盤」介紹？甚至連「輝囝」都不放過，輝哥力讚19歲大仔張焯鑑（Edison）遺傳到他的基因，孝順到不得了，即使在紐約考完試都找父母視像對話。不過，對於年齡相差一倍，子羚只能死心。輝哥指子羚好有實力，可以帶紅他，笑言自己只是「TVB新人」！

子羚樣靚身材正，唔難搵到男朋友。（網上圖片）