忙到飯都冇得食？

33歲的陳家樂呢排好多戲上，賀歲檔已經有兩套，分別是《緊急救援》同《我的筍盤男友》，所以呢期他好忙，忙做訪問宣傳，所以娛樂版成日都見到他。日前晚上六點，全身黑包到實的陳家樂揸車去了銅鑼灣一間便利店買東西食，晚飯時間不坐定定食，他選擇買三文治加寶礦力加兩條蕉做晚餐，真是忙到咁咩？

陳家樂揀三文治揀了一分鐘都無。

全身黑的陳家樂喺便利店買了三文治、寶礦力同兩條蕉。

陳家樂03年參加新秀，入過十六強，直至06年簽約英皇先正式入行。自18年同餘香凝分手後，男方以事業為先，戲接戲相當忙，更憑TVB劇《逆緣》中的「冷凍爺爺」入曬屋，極速吸入大量粉絲，當事人表示相當驚訝。

雖然包到冚，但陳家樂其實幾易認。

臨畀錢前發現有蕉賣即入手。

上新聞搜尋網Wise Search打陳家樂三個字有好多資料，除當事人有兩部戲上外，他同關智斌及楊天宇主持的網上節目《三夫當關》又有新聞稿，連陳瀅的訪問都會提到他個名。日前晚上六點，由帽到衫到褲到背囊都黑色的陳家樂揸車去到銅鑼灣時代廣場附近，戴住口罩的他落車後就急急行去便利店，見他望了一陣，揀了一件三文治同一支寶礦力，臨去埋單再買多兩條蕉，然後快步行返上車，由買到行上車都不使五分鐘，但他臨上車前好似拎住張紙，疑似違例泊車罰款單，如果為了買三文治而無了320蚊，咁就真是好不抵嘞。

陳家樂手中多了張單，疑似違例泊車罰款單。