之前陪朋友行街， 行入去mac試胭脂， 除左買左個胭脂試下試下就買埋眉粉， 買左眉粉BA就介紹一set套裝掃比我。

 BA講明係纖維掃(我覺得纖維仲好過動物毛), 入面有我要既眉掃， 我見一套又有袋好方便又唔貴就買左。 呢套掃其中既胭脂掃， size比較細，毛都唔算滑， 有少少吉面。

 

但其實入面無我最常用既碎粉掃同打陰影既掃，所以心思思買開搵埋大掃去買。

但化妝掃價錢真係上落差異好大，之前都係響iherb 買real technique掃用，價錢平又無咩甩毛情況質量算好。跟住唸起朋友響淘寶訂過美國牌子its既掃仲話質量好好，所以我就上淘寶買大掃喇！

淘返黎既有: 左起買左兩枝大掃，長抦係碎粉掃 

 

 我覺得最好係掃頭有蓋唔怕食塵， 掃毛濃密夠厚， 應該掃兩下就可以上完碎粉，最重要係掃毛夠滑唔吉面， 啲毛我點整都無甩，價錢約HKD$55, 超值。 第二枝係形狀扁身既散粉掃，毛夠厚夠軟，掃鼻轉彎位仲貼面啲添，價錢HKD$60,同樣超值。

 

介紹左兩枝超值掃，跟住分享一個價錢平但又好用既嘢，就係brushegg。  只賣幾蚊港幣，但一面個膠有處凹凸位可以深入咁洗到掃頭，幾蚊個好抵玩。

另外間舖無端端送多2枝掃比我，一枝係脣掃一枝係迷你版眼影掃，總括黎講今次收貨質量很好好抵！ 

 

 

 

  

 

 

查看原文 >>