Kenny表示有傳短訊恭賀。

關智斌

關智斌（Kenny）、黃宗澤（Bosco）和鄧麗欣（Stephy）出席品牌活動，當Bosco遇上Kenny，第一句就說：「我深感內疚、慚愧、不快兼心虛，因為兄弟一場，原本應承Kenny做佢演唱會表演嘉賓，但撞了期要飛往日本拍攝。不過我都有主動自薦為佢拍片或錄開場白，但佢唔覆短訊，可能佢嬲咗我，所以我都嬲佢，互嬲！」Kenny笑謂：「Bosco應該內疚，因為佢答應咗我又飛走，令我心碎！(沒有回覆Bosco短訊？)係咩，我咁衰咩？因為同佢拍戲的3、4個月中，佢經常整蠱我，分唔清佢邊句講真、邊句係假，最好的方法係『冷』處理，不聞、不問、不回覆！不過要佢拍片就實在太過大才小用，原本想佢一齊上臺高歌一曲，跟住比個膠袋佢，等佢可以還樂壇一個交代。」

關智斌

說到張敬軒主動為他做調音師、更提供上門服務；Kenny搞笑道：「嘩，佢咁抵得諗？佢已經調完容祖兒個音10幾日，仲有時間幫人上門調音？不過我今次係處男騷，真係需要好好調音。(是否如軒仔所言，調音用輕輕的陰力較適宜？)咁話曬係我第一次，難免會緊張，真係要畀封利是佢；如果佢調得好，我仲會畀佢上臺講兩句，宣傳佢11月的演唱會。」

關智斌

對於張致恆（Steven）日前註冊，Kenny謂：「當日我已經傳短訊恭喜佢，佢無叫我觀禮，可能想低調啲，我亦唔介意，佢話之後會約食飯或補辦婚宴，到時我都會去。」至於已跟Steven割席的軒仔和Twins會否出席飯局，Kenny表示要留待他們本人回答；亦未有正面回應是否借錢給Steven還債，只道二人相識多年，有時會互相支付費用，所以不會記在心裏。

網上圖片

而Bosco未能借Kenny舞臺為自己還樂壇一個交代，就改為要求Stephy開騷讓他做嘉賓圓夢；怎料Stephy稱：「可能要等到天荒地老。」問到Bosco會否再出新歌？他表示不會，之前的新歌《發夢之王》不過是玩票性質說要有個交代。