要留意周圍啊！

18年，32歲的湯怡同拍拖11年的洪卓立分手，之後在19年曾經傳過同有婦之夫Gavin So行得好埋，英皇高層霍汶希隨即代否認，強調湯怡同Gavin只是「跑步腳」。日前，近年沉迷做運動，還開YouTube頻道教修身的湯怡現身銅鑼灣，見她由希慎行到去灣仔，全程20分鐘Keep住耷低頭撳電話，有意外時避不切，危機意識低了一點。

湯怡邊行邊撳電話，其實幾危險。

雖然無拖拍，但湯怡一點也不悶，因為她有大把嗜好，例如做運動，跑步同瑜伽，近月還玩埋跑山，兼開埋YouTube頻道教人修腰修肚腩同修大髀，記者玩了一陣就成身汗，對腳好似不是自己的，頻道幾有用，可以Follow。

過斑馬線都是保持同一個動作。

當日化了妝的湯怡由銅鑼灣希慎行去時代廣場再行去鵝頸橋再去禮頓道然後向伊館方向行，之後再經隧道行去灣仔英皇駿景酒店。全程大約20分鐘，湯怡可以Keep住一直耷低頭撳電話覆短訊，見人過人，連過斑馬線都是低頭撳撳撳，都係嗰句，意外就是意料之外，專注力去了電話度，身邊有事發生就避不切，畀人撞到都不好啦，要改嘞。

行到邊撳到邊，點解不企埋一邊撳呢?

湯怡呢期係修身KOL，看她身形好有說服力。

湯怡已連續七年參加渣打馬拉松，去年首次出戰全馬賽事。

2018年11月，拍拖11年的湯怡同洪卓立各自在IG宣佈分手。