今日快報

　　烏茲別克跑馬拉松　樑諾妍覓得無國界的愛

　　藝人洪永城嘅模特兒女友樑諾妍（Inez）近日飛到烏茲別克跑馬拉松，完成賽事後趁機在當地遊覽。呢日Inez喺網上分享多張喺當地嘅靚相，見到佢同成班小朋友好開心合照，仲話感受到佢哋對遊客嘅熱情，令Inez感到好溫暖：「佢地系唔系冇乜點見過中國人面孔呢！最後發現，原來跟旅客拍照，是一種禮貌，代表歡迎我們來到他們的國家，小朋友受到當地教育，所以會走過來跟我們打招呼。我也很榮幸能夠感受到他們的熱情，烏茲別克有多過150個種族，大家樣子都很不同，大家都不分你我，好有愛！」呢種無分國界嘅愛，先系令Inez最感動！

　　黃智賢江美儀飛去加國做夫妻

　　藝人黃智賢與江美儀於加拿大Calgary拍攝影音使團的電影《愛Plan B》，二人多次飾演夫妻，今次爲演繹真人真事改編故事，專登到加拿大拍攝，更遇到真實版主人角晶晶及Jack。拍攝時，黃智賢更與美儀齊齊穿起婚紗、禮服，二人之前拍攝無線劇集時，已做過夫妻，拍過結婚場口，今次當然更有默契。於拍攝空檔，黃智賢都趁有時間四處遊覽，風景太美，他亦拍下不少靚相。放了一日假後，他今日便會返港，返來便要爲即將播映的電視劇《鐵探》及《廉政行動2019》，相當忙碌。

　　邊似49歲？張可頤孖好友舉杯慶生

　　女星張可頤近年明顯減產，更不時周圍飛享受人生，體驗嚇生活。雖然佢已經過咗49歲生日，不過向來人緣好嘅佢仍然過生日月，有唔少朋友同佢切蛋糕慶祝。呢日，可頤喺微博曬出照片，相中見容光煥發嘅佢去咗一間望到夜景嘅餐廳，仲同友人齊齊舉杯合照，當然仲唔少得切蛋糕環節。對於有咁多朋友咁愛錫佢，可頤感恩話：「三月的幸運小星。」網民睇完後都話好掛住佢演戲，希望快啲可以喺幕前睇到佢嘅演出！

　　加埋270幾歲！《愛．回家》耆英Rap爆振雄風

　　處境劇《愛．回家之開心速遞》仍然系無線中收視保持最高企嘅劇集，不論後生、老人家都咁啱睇，輕輕鬆鬆又一晚！最近一集，輪到一班甘草演員發威，75歲「熊樹根」劉丹、70歲「龍敢威」羅樂林、63歲「譚道德」陳榮峻，一個老香港、一個億萬富翁、一個小學校長，因爲唔想畀啲後生睇死，齊齊聽個師奶講，去參加電視臺Hip Hop比賽，最好笑個師奶病咗甩底，要搵「豹哥」，唔系單立文，而系68歲嘅「馬豹」黎彼得戥腳，組成「大四喜」參賽！

　　正當衆人以爲佢哋會出醜人前之際，無啦啦又畀佢哋過骨，仲系Rap到Very骨（Good）。佢哋四個一副Hip Hop裝束上陣、戴曬Cap帽同金鍊，已經好鬼吸引，Rap起上嚟又幾好聽，加埋啲歌詞又抵死「Hey乜嘢叫做IG我哋唔知　我哋淨系知　企上臺我哋可以」、「我哋有吉士　幾多歲都好都未會怕瘀」，網民都大讚四個果然系無線實力派演員呀！雖然加埋都270幾歲，但演乜似乜，仲鬼咁有精力又精靈，難怪觀衆咁鍾意睇《愛．回家》啦！

　　阿佘上《奔跑吧》泥漿激戰 豁出去玩到癲

　　藝人佘詩曼（阿佘）、吳謹言、聶遠、張嘉倪等日前以劇集《延禧攻略》代表身份，參與內地真人騷節目《奔跑吧3》，與一衆主持楊穎（Angelababy）、李晨、宋雨琦等打成一片，鑑於《延》劇人氣仍然旺盛，引來影城工作人員等數百人圍觀，場面熱鬧！

　　一衆演員玩得相當投入，當中一場需要謹言及阿佘於泥漿上追逐及玩遊戲，二人均玩到成身泥濘，即使休息及等埋位也乖乖等待，毫無半點架子，阿佘事後表示：「着住遊戲衫玩泥漿奔跑，包到實都幾方便，只系需要補妝，唔使整理衣服。諗番當時拍《延》劇時，每場戲除咗補妝，都要花好多時間去整理衣服，今次玩得開心，拍得過癮。」