突然揀咩揀到咁苦惱呢？

小肥（徐智勇）近年好勤力跑步、打拳Keep住副Body，別看小肥大大件、個Look好粗獷，其實內心應該住了個「小女孩」！

小肥近年積極打拳修身。

社會局勢持續不穩，不少商業活動與演出都煞停，藝人收入自然受影響，好在小肥與友人自組的公司業績不錯，他早前表示靠接週年晚宴都維持到。日前，穿綠色外套、孭背囊的小肥，獨自去銅鑼灣撳錢，正所謂「財不可以露眼」，他攞完錢便即刻擰轉身面壁，然後小心翼翼地將啲錢收入銀包，跟住雙手插袋、聽住音樂，好瀟灑咁行去附近萬寧掃日用品。

小肥首先到提款機撳錢，出門口前梗係要袋穩啲錢先啦！

做藝人當然要好好保養，小肥一入到店舖就拿了支沖涼梘液，然後再看Mask。不知是否計算買兩件比較抵？他忽然嘟起個嘴仔又舉V，手指還篤落塊面珠度，真是好Cute Cute！結果，小肥選了一盒原價300多減到89蚊的高效特強保濕導入面膜，看來長期單身的他不只Mentally好Dry，Physically都Dry到爆！

音樂人果然對護喉嘢特別敏感，小肥企定定研究啲川貝枇杷軟糖。

選購面膜中的小肥嘟嘴、篤住塊面一臉惆悵。

小肥揀了一盒平到笑的保濕面膜。

其後，小肥繼續於店內遊走，挑戰產品時高低眉兼扁曬嘴，好苦惱，不知是什麼那麼難選呢？小肥個表情Keep住好惆悵，真是看到大家眉頭一再猛皺，最終花了20分鐘，都是買得一支梘液同面膜。

究竟小肥還有咩想買呢？看到扁曬嘴咁。

行了20分鐘，在人羣之中的小肥仍然鼓起泡腮，好苦惱。