Tessa一定會是個好家姐！

恭喜Jessica C.（JC）為老公安志傑（Andy）誕下第二胎，細仔於本月19日出世，是一個Super Big Baby，英文名Elvis，重8磅8，身長53cm，醫生都話是近期少見重磅B。

JC今次亦是順產，於19日早上入院，然後入產房準備生B，十多分鐘就誕下巨B。老公Andy有陪入產房，不停讚JC是偉大媽咪。為陪產的Andy之前推了工作。問到會否追第三胎？他們稱等上天安排，就算追都等大女和細仔再大一點，始終大女Tessa只得兩歲幾，細仔就幾日人仔。

生B喜事當然全家都開心，JC的細姨專誠坐18小時飛機自芝加哥來港；Andy媽咪與細妹都由外地回來迎接BB出生。Andy直言非常幸福，多謝上天送他一子一女，月底他就會在港復工拍攝電影。最開心是大女Tessa見到細佬竟眼泛淚光，又抱又錫弟弟，好有做家姐的感覺。