台北邊度有燈飾睇？

01（新北耶誕城官網）

聖誕節差不多就到，雖然隨着娛樂節目愈來愈多，一家大細一齊去維港兩岸睇燈飾，已經唔係指定動作，但仍然有唔少人藉睇燈飾感受氣氛。台灣雖然冇聖誕假放，但各大縣市都會有聖誕活動，類似尖東燈飾滿佈嘅地方仍然到處可見。單以大台北地區來說，近年在新北市板橋區舉辦的「新北耶誕城」，應該算是比較有代表性和大型的燈飾盛典。

踏入第6年嘅新北耶誕城，今年由11月19日至下年1月2日，喺台北捷運板橋站地面一帶舉行，不同嘅燈飾佈置會放喺板橋站每個角落，吸引大量當地民眾參觀，人山人海場面絕對少不免。巨型3D聖誕樹投影動畫表演，一向係呢個活動嘅重點，上年大會就用一棵3層樓高嘅3D聖誕樹，播放桑塔熊與星星的故事。今年大會更玩大佢，將3D投射擴大到整個新北市府大樓，投射面積高達5,239平方公尺。