靚湯有新劇播出！

本網記者攝

由洪永城、湯洛雯、黃心穎等主演，兩度改檔期的無綫劇集《丫鬟大聯盟》定於本月30日播出，女主角之一的湯洛雯透露劇中是一位情深妹仔，對愛情「好唔理智」，更自愧不如。

《丫鬟大聯盟》劇照

對於首次擔正拍古裝劇有何感受？湯洛雯表示：「第一次聽個故事已經好鐘意，呢部係一套喜劇，我本身都好鐘意好開心嘅嘢，拍嘅時候都特別開心，我亦知道呢套劇要同好多女仔合作，係自己喜歡的題材。我之前都喺《燦爛的外母》做過比較重戲份角色，上一次就同黎諾懿合作，今次就同一班女仔一齊演。」

《丫鬟大聯盟》劇照

做丫鬟要聽人差遣，職位低微，是否很辛苦？「呢套劇想帶出丫鬟唔係好慘，成日企喺隔離服侍別人。丫鬟都有佢哋嘅人生、友情。例如丫鬟世界入面有鬥爭，我係飾演裘府二房夫人嘅丫鬟，與大房丫鬟黃心穎是敵對關係，所以我哋丫鬟之間起初會有不和。另外，丫鬟都會有感情線，洪永城同黃心穎、我就同謝東閔，大家以為我係一個好貪錢嘅人，但其實我做所有嘢都係想供養我嘅情郎，因為佢要上京赴考，所以我賺嘅錢都會俾佢。」

湯洛雯同謝東閔會有感情線。

湯洛雯更指劇中自己為愛情「去到盡」，「呢個角色同我本身性格係有分別，劇中嘅我係為愛情好唔理性追求嘅人。現實上嘅我，當然鐘意時一定會全情投入，但唔會好似角色咁唔理智，瞓身去奉獻，我覺得角色嘅情操好高，佢完全放棄自己，賺嘅錢全部為所愛嘅人。我覺得好厲害，自問就自愧不如啦！」

《丫鬟大聯盟》劇照

本網記者攝

本網記者攝

本網記者攝