多啦A夢法寶使虎蝦變海蝦？

網上圖片

有網民在Facebook「巴打絲打 Facebook Club」群組中發帖稱，自備虎蝦到大埔街市熟食中心一食肆「加工」，懷疑遭「偷龍轉鳳」。經追問下，食肆負責人回覆：「蝦蒸過會縮水」。由於雙方各執一詞，一眾網民旋即「食花生等睇戲」。

網上圖片

事主Lok Chan在帖文中指出「買200幾蚊斤虎蝦俾佢蒸，佢竟然求其拎碟普通海蝦俾我，仲同我講蝦蒸過會縮水，我一星期唔係食魚就蝦蟹，佢竟然當D客係白痴。」及後聲稱為食肆負責人的留言則反駁，指當日只收到一隻虎蝦，其餘均為一般海蝦，並無「偷龍轉鳳」。

網上圖片

他再強調真金不怕紅爐火，指「老實講，真係當人白痴嘅咩。一隻虎蝦屈人成碟。問你係邊間買又講唔出。」其後又補充「由於無人手，客人主動話要求賠390元了事。因為唔想阻住做生意所以賠俾佢。」

網上圖片

事件瞬即引發網民熱議，有網民留言回應「如果虎蝦煮完之後可以變咗做中蝦咁嘅大細，真係又長知識了。」另有網民戲稱，事件中有人用了「叮噹的百寶之一：放大縮細槍」。此外，亦有網民構想認真的處理手法「去之前拍攝紀錄先，再有偷龍轉鳳直接報警，唔好再俾機會佢！」